It's Ok, A tha ko (Real life story of Jane )
It's Ok, A tha ko
(Real life story of Jane )
Kei hi American Got Talent tibantuk show a zoh uar phun ka si lo, ka zoh ve hmanh ah Video Clip tawi tete deuh pawl khi ka hei zoh ve tawn men, umharphen ah.
Pur thla laicer hrawng a si cang i Laitlang ah cun ruah a tuk lo caan hmanh ah nikhua a chia i siamsiam i ruah hmei an tla tawn, zaan chun hlan in ih a nuam cingling lio te a si. Kan nu cu ka reikiangah thu hliahmah in a zanmang ram ah thlamuang hnangam ngai in a leng timi hngalh khoh in thu hluahmah in ai hngilh cang, cu lio ah kei bel zaan hngilh khoh lo nih a ka phuah hawi i zaanttim khua ka mang hawi cang. Hngilh khawh lo par ah phone ka banh i ka dek. Group pakhat i American Got Talent show Video Clip tawite pakhat ka zoh mi nih a ka hliphlau ter chin.
Nupi ka tthit hlan i ka uar tuk mi catial, ka peh lo nak caan zong a sau ve cang. Cu video clip ka hmuh hnu cun kan nupa ihkhum ke lei ah cabuai ka tuah thar mi te cung Laptop cu ka on i Microsoft Word ka kau colh. Zinglei suimilam 1:00 a si cang nain.
Nu der kingkiang, pa lumeh in a sam ai met mi, zeibantuk minung hme a si hnga? Tiin ka hei zoh k olio ah cun judge pawl nih bia an von hal colh ve. A min cu Jane Marczewski a kum 30 nak a hmang cuahmah ve lio mi a si. Ohio )Zanesville in a hong mi a si nak zong a chim chih.
Zei hla dah sak nai timh’ ti an hun hal tikah cun ‘ka hla original ‘It`s Ok’ timi hla ka sak lai’ tiin panh siarmar te khin a leh hna. A hla konglam zong an hun hal chi hi, kum hmasa lei ah a nun le a ton mi thil he pehpar in a phuah mi hla a si nak kong a chim.
Na khuasak tintuk nak caah zeirian tuan mi dah na si?’ tiin bia an hal mi cu, ‘Kum sau tuk lo cu rian ka tuan kho ti rih lo, cancer zawtnak he kan i tong ve i i thlopbul ka herh caah rian tlaih mi ka ngei rih lo’ tiin a leh hna. Pawi an ti mi ngai . nain Jane nih cun ‘It`s Ok’ ka tha tuk ko sawh’ tiin a leh than hna.
Simon nih cun ‘Cikhatte bia kan halt a rih lai mu, tu lio te hin zeithla na lawh’ tiin a hei hal chap. Jane nih cun hmelpanh siarmar te khin ‘Kan hnu ah khan kai zohter than i, ka cuap (Lung) le thin (liver) le ka ruangruh (Spine) ah cancer ka rak i chap le hmeteh’ tiin a hun leh hna ah cun Judge le mipi a zohtu pawl cu chikhat an dai. Judge pakhat nih cun ‘nai dawh tuk i, hmel panh siarmar tein na um fawn, ho hmanh nih na mui zoh sawh cun na cancer ti an in hngalh tung lai lo, na that tung lo pi,’ tiin a hun chalh i.
Jane nih cun ‘Lam kip in cun ka tha ve fawn lo’ a hun t ii, chikhat ai din i a hun chim than mi cu ‘A herh bik mi cu mi nih kan nun i thil tha lo a tlung mi hna nak in a tha deuh in a kan hmuh hi a si’ tiin a zawtnak cu tei tim in a ruahnak in a fight ve tuk ti a lang.
Hlasak hram a hun thawk i, a zohtu mipi vialte nih dai zirziar tein an ngaih ko, a nun i thil tamtuk a rak hlauh cang mi hna le harnak a ton cuahmah lio mi hna cu ‘It`s Ok, It`s Ok, It`s Ok, It`s Ok,’ (A tha ko, a tha ko, a tha ko, atha ko) tiin a hun sak ziahmah hna. A hlasak a dongh hnu tiang zongah cun Mipi le Judge pawl cu chikhat cu dai dimdiam tein an um. Cuticun mipi pawl cu dir bu le zapei bengh bu in awreng chuah in an hung lomh than, khuasik saisem khi a chuak a sunglawi tuk.
Judge pawl nih comments pek an hunt hawk i, Simon thiam thiam nih cun ‘Hla bia hmangin na nun nih harnak a ton mi hna le zatlak na ton mi hna nah un phuan i, a hramthawk i hla le a satu kong a tak i va pawh phanh nak (Authenticity) kan chim mi kha, vei mu... na hngal maw? A hun ti lio ah cun a bia cu tan piak in, Jane nih cun ‘Hlim le lawmh cu nai timh hmasak theng lo ah cun hringnun harnak an kiam dih tiang na hngak chuak hmaisa bal hnga lo’ a hun ti ve ai.
Simon nih cun ‘Tukum ah hin hlasakthiam ngai ngai zong an tam cang cu caah kei nih cun ‘Yes’ kan pe kho lai lo’ a hun ti ai. Simon a bia a dong rih lo a hun peh rih, ‘ a ruang cu thil dang pek kan duh’ tiin Golden Buzzer’ cu a hun hmeh piak ko ai. Jane ai lomh tuk ah a khuk ai bil i, ai lomh tuk ah a mithli an tla i, Simon nih cun va panh in zawnruahnak he a hei kuh.
A hla bia ka uar ngai mi te a um mi cu, It`s Ok, It`s Ok, It`s Ok, It`s Ok,
If you`re lost
We`re all a little lost and it`s alright
It`s alright, it`s alright
Oh.. Its alright
To be lost sometimes
Timi cang te hi a si, a tha dih ko, a tha dih ko, lam na tlau sual a si zongah a tha ko, chikhat cu caan tawite chung cu kan tlau cio ko, a tha ko e, a tha dih ko lai e, chikhat caan te tlau cu a tha ko e.
Jane hi nu sa pan te zawtnak tuksum tuk ah kan ruah mi le theih kan duh lo tuk mi Cancer zawtnak phun thum nih a tisa an ei piak cuahmah lio a si, Vawleicung ram rum le ramtha American Doctor pawl hmanh nih damh khoh dingin an ruah ti lo mi le a dirhmun cu cohlang dingin zawnruahnak he na forhfial mi, dam than nak chance cu 2% lawng a ngeih cang nak an rak chimh mi nu a si. Cu bu cun amah tein khua a sa i a sinain ngaihchia in a um lo, cutluk a hringnun tuanbia sunglawi ter thiam cu dah ngai.
Hi tin a hei chim chap khoh cuh. ‘Ka dam than khohnak chance i 2% an ka ti i, lomh awk a si ngai mi cu, 2% timi hi 0% a si lo, 2% cu zeimaw dek khi a si rih’ a ti khoh rih, a nun, a biachim le holhrel, a hoiher nih hin mi tampi cu a tei ko hna.
Jane hi Auditorium in a chuah lio ah hla an chuah mi, ‘Though my heart is in my hands, I won`t break, give me faith to bend. Am i looking for revival, will i ever breath again? Again....’ Kan Laiholh in ‘ Ka khuaruah ning cu ka kut ah um a si i, ka hrawk (ka rawk) lai lo. Khukbil kho dingin zumhnak ka pe ko maw, nun thannak hlah maw ka kawl, ka thaw ka chuah than te hnga maw’ timi hla bia nih hin Jane hringnun lamthluan fiang tein a langhter ngai ko.
Catialtu : Salai C. Vanramdinmawi
Pur 2021 @ 1: 20 am
Lyrics
It`s Ok, It`s Ok, It`s Ok, It`s Ok,
(a tha ko, a tha ko, a tha ko, a tha ko)
I moved to California in the summertime
I change my name thinking that it will change my mind
I though all my problems
They would stay behind
It was a stict of Dynamite
And it just was a matter of time, Yeah
Oh dang, Oh my, Now i can`t hide
Said i knew myself but i guess i lied
It`s Ok, It`s Ok, It`s Ok, It`s Ok,
If you`re lost
We`re all a little lost and it`s alright
It`s Ok, It`s Ok, It`s Ok, It`s Ok,
If you`re lost
We`re all a little lost and it`s alright
It`s alright, it`s alright
I wrote a hundred pages but i burned `em all
(Yeah, i burned `em all)
I blow through yellow lights and don`t look back at all
(I don`t look back at all)
Oh dang, Oh my, Now i can`t hide
Said i knew myself but i guess i lied
It`s Ok, It`s Ok, It`s Ok, It`s Ok,
If you`re lost
We`re all a little lost and it`s alright
It`s Ok, It`s Ok, It`s Ok, It`s Ok,
If you`re lost
We`re all a little lost and it`s alright
It`s alright, it`s alright
Oh.. Its alright
To be lost sometimes
Salai C. Vanramdinmawi
(Tenglam)
Comments
Post a Comment