THE GIRL FROM YESTERDAY

THE GIRL FROM YESTERDAY



Jack Temchin leh Glenn Lewis Frey te in a Lungthlu tak a an lo phuahchhuah, an thiannu an phuah chhuahsak ni awm fahran. The Eagles in mawi leh lungkuai em em a an sak “The Girl From yesterday” tih hla hi tlem a hla hlui ngaina deuh tan leh hmangaihna la na deuh ho tan chuan a iaiawm loh kher mai. He hla a nuthlawi rawn chang ta Hmeichhia hi a lainatawm em em a, a chan hi han inchan chhin la na i tih ve ngei ka rin. He hla hian hmangaihna diktak chuan chinlem neilo a a nghah thin zia a phochhuak chiang hle a, Hamngaihna diktak chuan beisei tur a awm tawh lo tih a hriat hnu pawhin a la nghak fan a ni kirzai a rel tawh dawn lo tih a hre ran chung pawn a la beisei ta fan a. A chang chuan hmangaihna vang a a chan leh a hlauh zawng zawng te pawh hi a pamhmai lua e ti loin a pawm dam thiam lui a, tuarna em em chung si a a lanchhuahtir theih loh chang  tam mai. chu chu he hla hian a rawn phawrh fai ta pip a ni.


    It wasn`t really sad the way they said goodbye
    Or maby it just hurt so bad she couldn`t cry
    He packed his things walked out the door and drove away
    And she become the girl from yesterday


    Khang ang thenna biahthu an sawi te kha a na tawk lo nge a tuar nat vang a tapchhuak theilo zawk le, a thawmhnaw leh neihthil te chu thunkhawm a khartung sawnin chu inlum a thai duhlai nen hmangaihna biahthu tinreng an lo inhlanna runmawi chu chhuahsan zai a rel ta lawng lawng a, an pahnih a an in ni then chuan inhal ta ni awm takin a hnungchhan ta, hunrei tak inngaina leh inhmangaih tawn tak a an lo awm dun tawh na hnu, pumkhat ni a a thlum a al lo ei za tawh a chhuah san a samang an inthen tawh tur chu an tuarnat lo vang leh  an phur em vang ni hau loin an tuar nat em vang zawk in tahzai reng a rel thei mawlh lo. a hmangaih em em chuan a puanthuah telin a chhuahsan ta mai si a. Hringnun hlimte a hmang za thin kha tunah chuan mihrang an lo ni ta a. Hlim tak a an zalna laikhum te chu a bel leh ngam kher dawn em le, D hlui rawn changin Lunghlui lengi a lo nita si a.


    He took a plane across the sea to some foreign land
    She  stayed at home and tried so hard to understand
    How someone who had been so close could be so far away
    And she become the girl from yesterday.


    A hmangaih, inthen tawh lo tur a kumkhua runlumpui tur a lo thlan “tuna chin ah chuan ka engkim hi i ta a ni ta” ti a a lo inhlanna chuan hmelhriat ngai loh ang mai in a peihloh san a tuipui ral ram ah kal turin Thlawhtheihna hmangin a thlawh chhuah san vang vang ta si. Hriatthiam harsa a ti a, tuar dan thiam pawh har a ti, a ngaihtuahna vakvel ruai ruai karah beiseina thar neh leh a harsat ngang mai, Hlimtakin hmangaihna par an lo tlan dun thin na runriang lo ni ta ah chuan a mah chauh a hun leh ni chhiar in a in ngaihtuah a, an hun liamta te kha chhuikir in engtin nge khatiang khawp a inngaina leh inthlahlel em em thin kha hetiang khawp a kar a lo hlat theih tak mai tih chu hriatthiam a tum ta fan a.Mahse a tumna a nasat pauh leh hriatthiamlohna  zualin a a lunglen ti zualtu mai an chang zo si a, lunglai a dam thei mawlh lo, ni e a beih nasat pauh leh a natna belhchhah a, Tin D hlui rawn changin  Lunghlui lengi a rawn chang ta.


    She doesn`t know what`s right,
    She doesn`t know what`s wrong,
    She only knows the pain that
    comes from waiting for so long.


    Damchhung chauh pawh ni lo thihhnu piahlam thleng a rinawm tur a intiam chung si a, hetiang mai a mihrang sahrang an han chang ta mai chu tawrhthiam harsa a ti ngang a ni ang a thinlai lungril a dam thei mawlh lo, Chemte a vih ang mai in a na ngawih ngawih a ni. A thinlungna thawidam harsa tak chuan chhia leh tha thlaihran harsa a ti in a hrechang tawh lo a, a rilru chu chawmawlhin a hriatchhun chu thil ni thei lo hun rei tak a lo nghah fan fan tawh a mah ti na em em tu chauh chu a ni. a tawngkam khat chauh pawh a hlimna tling thin kha tunah erawh zawng nunhlui an chang zo ta.


    And she doesn`t count the tear drops
    That he`ll  be back some day,
    The light`s on in the window:
    She`s waiting for the phone
    Talking to a memory that`s never coming home,
    She dreams of his returning and
    The things that he might say
    But she`ll always be the girl from yesterday.


    A mittui far te chu a lauhthlawn dawn lo lamang let zai a rawn rel leh ngei ang ti in ring nghet bur mahse lang ta e tih erawh a nei lem chuang lo,Turverh a nizung leh eng rawn lut chhun phak ah chuan thuthmun remin Phone Call a nghak a, nidang a zinchhuah kha chuan rei rial loin a rawn Call thin kha a ni a,mahse tunah erawh a rawn phone dawn tawh lo tih hre reng chungin a la beisei fan a, a awrawl mawi a tih em em khawvel mipa zing a awrawl mawi a tih ber mai chu ngaihthlak leh a chak em em a ni, Nunhlui koh kir theih tawh lo a thinlung a cham reng tawh tur chu ngaihtuah kirin a lo kir hun tur nghakin a ngaihtuah a, a lo kir hun a a thusawi hmasak tur te chu ngaihluat chhin in amah leh amah chu a in be vel ruai thin, “Duhtak i damtha em..? e nge i lo an” ti a chhawn zai an rel thin lai te chu a hrechhuak awn awn thin a thar ang mai in a beng ah an rawn ri nawn leh thin.


    Lamang let zai reng rel lo a hmangaih em em a pasal ni thin chuan sulang hawn zai a rel ta si lo, a nghahna lamah a chhingmittui chu engzat nge a senral tawh tih lam a ngaihtuah lo, engtik nge a rawn kir ang tih chu a ngaihtuahna luah lum tu a ni mah zawk a, an nun nunhlui rawn chang a puanang an chul tur chu a phal thei mawlh lo,Engpawh nise hmangaihna beiseina hi hlawhtling a hlen tur chuan pakhat hmangaihna  chauh a tawk lo a pahnih hmangaihna a ngai miau si a, a hmangaihna chauh chuan engthil mah a khawih danglam thei lo.ngai au in kohkir a tum a mahse a thei silo, hlimtak a an lawina riahrun chu “Riahrun” a rawn chang ta a, tin amah ngei pawh chu hnawl a ni a, D hlui rawn changin nunhlui lengi a rawn chang ta.