"I Never Got Over You"

Zarhteni ah thil a cang mi a si, Zingka ka thawh ka ah ka phone ka zoh Whatsapp message ah hitin ai ttial, "Kan i tthitumh sawmnak hi Sangau nan inn ah maw ka kuat lai Lawngtlai na office ah?"

Lawngtlai ka um hnu ah cun Zarhteni hi ka hrangah rian a tam bik ni le ka hah bik ni a si, Kan Manager nih a ka zumh in a ka dawt i News Editor ah ka rian a kai ter nak nithum lawng a si rih, Newes Editor ah ka kai hnu in ka voikhat riantuan ni ding a si, ka kaisan hnu lebang ah cun rian a tam chin chin i tuah ding a tam chin chin, nidang ah cun a tam lemlo nain zarhteni hi a tam bik tawn caan a si. Ka rian a tam nain ka rian ah cun lungtak in ka ttuan kho lo, ka lungchung ah thildang a um. 

Ka ruahnak ah cun cu Whatsapp message lawng cu a um, ka rian ttuan ding cu a tam nain ka rian ah cun lungtakin ka ttuan kho lo, Zaan Suimilam pa 6 hlanah News ka chuahter manh lo cun kan manager nih a ka ban colh la ti zong ka hngalh, ka hlan ah News Editor a ttuan mi pahnih zong a Zaan suimilam 6 i an chuah manh lo caah a rak ban cang hna, cu caah kei zong News Editor i ka kaisan khohnak le ka hlawh a pum khohnak hi a si. nain nihin ka rianttuan voikhatnak dingah ka rian ah ka lungthin ka pek khoh lo mi nih hin ka rian hin a ka ban ve colh te ko lai hih. 

Tuzingah ka hawi hlun pakhat nih "Kan i tthitumh sawmnak hi Sangau nan inn ah maw ka kuat lai Lawngtlai na office ah?" tiin a van ka kuat mi nih rian a ka ttuan ter kho lo, Hi nu ka rak duh rih zia le ka philh khoh rih lo zia hi fiang tukin a ka hngalhter tthan. 

I couldn't keep my mind on all the work I had to do today

Your memories kept on clouding up my mind getting in my way

Next they'll up and fire me and I'll be wondering what I'm gonna do

The only thing that I can say that makes me act and feel this way is

I never no I never got over you

News Room ah cun ka lut i ai dawh ngai mi News reltu kan news reader nih cun kan news cu pakhat hnu pakhat a rel thluahmah, nain kei cu ka lung a rak caw thil dang tampi ah khua ka rak ruat, a rel sualnak le a palh nak zong ka rak ngai manh lo, ka mit kai au nain ka hmuh mi cu ai dang, ka hna a ttha nain ka theih mi cu ai dang. 

Ka mitthlam ah cun a mitmu dum rilrel te kha ka hmuh ko rih, khawika lei paoh ah i mer ninglaw kai mer nak paoh ah cu nu muihmai cu ka hmuh, kan i hmuh hnuhnung biknak hlei (Bridge) ah khan kan dir ko rih, zeithil ka tuah  timh paoh ah cu bantuk cu ka hmuh peng, cu nih cun hi nu hi ka philh rih lo zia le ka thinlung in a chuah rih lo zia hna a thar in ka hong hngalh tthan, Hibantukin ka umnak a ruang cu kha nu kha ka philh kho rih lo timi hi a si ko. 

I still see your dark eyes

Almost everywhere I turn

I keep standing on the bridges

I thought I had burned

I can still feel you near me

In everything I try to do

And the only thing that I can say that makes me act and feel this way is

I never lord I never got over you

Hi bantukin ka buai tuk caan hna ah cun hibantuk khuaruahnak le caan hna hi von langh lo ding a si le, nain an hong lang top ko, si kho sehlaw ka ngaihnak le hngahhlangnak vialte tlauter in ka sin i a rong kir ni hna si deuh sehlaw kati bak, a pasal ngeih ni silo in keimah he kan i tthitumh ni hna hei si sual sehlaw kan manager zong nalh ngai in a hong lang ve ko ding, nain nihin cu cu ka saduhthah ni cu a si lo, kan manager cu a hmai a sen pah cang.

Old memories have the damndest way of showing up at the most unusual time

They can walk right through the darkest part of your mind and turn on every light

Or take a perfect crystal day and turn it into a misty shade of blue

Khua ka ruat News Editing ka tuah pah cun, khua ka ruat ka news edit cu fimkan a herh mi a si pinah a har tuk, voikhat kati sual ah cun mi thong 4000 nih an zaoh mi a si fawn, kati sual ah cun kan manager nih a ka ban colh ko lai, nain ka khuaruahnak ah cun News Editing a um lo, a pasal ngeih ding lawng ka lungtin ah a um.

Cu zarhteni ah cun ka bua in rian a tam nain cu nu cu ka philh kho lo, nih "Kan i tthitumh sawmnak hi Sangau nan inn ah maw ka kuat lai Lawngtlai na office ah?" Ka news reltu cu ai dawh nain, ka dawt mi pasal a ngei ko cang ding cu ai dawh deuh.

Ka ttap ngam lo, ttah caan ka ngei lo, rian ka ngah tuk, nain hi lawng hi ka hngalh, kha nu kha philh rih lo, kan i tthennak le ka kaltak nak Hlei (Bridge) lawngah khan ka mitthla na caam, mei nih akangh mi bantukin ka tuar i, ka hram, nain ka pawngah a um peng ko rua tiah ruahnak ka ngei.

Khati bantukin ka rak kal tak kha keimah palh nain a hrangah ka rak tuah mi a si, kei cu Lothlopa fapa ka si i, kan inn zong a chia in a rawk i, ruah a sur caan lebang cun a zut, cu bantuk inn ah um ding hi vawlei ah ka ka dawt bik mi hi ka siang lo, nain an nih cu kan khua le pengtlang ah a rum bik le a ngan bik fanu hniang a si, cu caah ka duh tuk ko buin kan duh lo kan hua tuk kati i, cu hlei ah cun ak rak kal tak ve, nain tutan ah midang he an i tthitumhnak Card a van ka kuat ding a ka chimh tik ah, ka thinlungah a thih rih lo zia le ka dawt rih zia kha ka hngalh. 

I can still feel you near me

In everything I try to do

And the only thing that I can say that makes me act and feel this way is

I never lord I never got over you

Yes the only thing that I can say that makes me act and feel this way is

I never honey I never got over you

Cu Zarhteni ah cun ka si khoh tawkin kai zuam i, philh kai zuam nain News editing ka tuah cuahmah lio zongah News reltu mui ah cun a mui cu ka hmuh tthan tawn, kan news reltu aw cu ka philh khoh lo mi aw ah ka ruah sual tawn. 

Caan zeimawzat ka rauh hnu ah news cu kai lim nain a si ning bantukin kai lim kho lo,  kan news reltu hmai ka khap lo, kan manager hmai ka khap lo, ka hmai kai khap lo nain ka rak philh khoh lo zia ka hngah. 

Nain ka mawh lo, a caan lo tukah pei ka nunhlunle caan liamcia hna kha ka khuaruahnak ah an hung langh ve fawm cu, ka rak dawt bik  mi le a ka daw bik tu kha, tu ah cun khundim cangin Pasal a ngei cang lai hen teh,  nain ka philh khoh lo zia kai hngal.

Salai C. Vanramdinmawi
(Tenglam)