The Girl from yesterday

The Girl from yesterday

Hi hla hi Jack Temchin le Glen Lewis nih lungthlu ngai in an rak phuah mi hla a si i, Eagles nih lungkuai ngai in an sak mi hla tha ngai zong a si fawn, The Girl from Yesterday timi hla hi Country Music a tlaichan ve mi hna hrangah cun khual a si bal lai lai lo dah. Dawtnak duhnak la fak mi hrang lebang ah cun cim lo in ngaih than lengmang ding hla tha ngai pakhat a si ve. a hlei in lengleh nuthlawi hna hrang ko ah hin hla chim dai lo ding a si. a ton mi hi tong ve cio hna usihlaw fak kan ti ve cio fawn ko lai. Hi hla ah hin dong lo cat lo in a dawtmi cu a hngah i, dawtnak nih a hngah khoh zia zong fiang tukin a lang. Dawtnak nih cun a um ti loh ti a hngalh ko hnu zongah a hngah rih ko nak kha a kan hmuhsak. a hong kir ti lai lo ti a theih ko bu zongah hnabeiseinak in a cuanh peng ko. a caan ah cun kan thlau mi thil hna hi an pamhmai lo ruangah si lo in a kan tuar tuk ruang le kan sianlo tuk ruangah kan langhter thiam lo caan hna zong an rak um ve ko. cu thil cu hi hla nih hin fiang tuk in a langhter.

It wasn't really sad the way they said good-bye

Or maybe it just hurt so bad she couldn't cry

He packed his things, walked out the door and drove away

And she became the girl from yesterday

Kha tluk ttiannak le thennak bia an chim mi kha a fak in lung a kekkuai dingin a za lo zong a si men lai, a si lo ah a fah tuk ruangah a tap kho lo zong a si kho ve. a thilri cu khumh in cu ruun nuam cu a chuahtak diam i, nunhlun lengnu le khiahcia pardawh vuai a hung cang ai, Khuapi daifem ah hlim le lawm in an rak lentti nak cu an ttiannak hmun ah a cang i, caan sau ngai te pakhat le pakhat zawnruat le i tlaihchhan ngai in an khuasakti nak inn ah pumkhat si in a thlum le a al an ei tti nak ruun inn  cu midang an si hramthawknak inn ah a cang ai ko. cu an i tthen lio ah cun fak a ti lo ruangah si lo in a fah tuk ruang tu ah ttah hmanh a ttap kho ne loh. A dawt tuk mi nih cun hngalh ballo mi bantukin a puanthuah a tel i a kal tak ruangmang ne. Hringnun nuam tein a hmang tti tawn mi kha tu ah cun mihran an hung si cang ai. nuam in an ih tti tawnnak ihkhun ah cun amah lawngin a it ngam ti ngai hnga maw? Lengleh hung si in nuthlawi dirhmun a hung phan.

He took a plane across the sea

To some foreign land

She stayed at home and tried so hard to understand

How someone who had been so close could be so far away

And she became the girl from yesterday

A dawt mi, zungzal caah a kawppi dingah a thim mi, "Tu thawkin cun ka zeizong hi na ta an si cang lai" tiah bia a tiampi mi cu hngalh bal lo mi bantuk si dingin le i tthen thai dingin an dawtmi cu vanlawngah a kai i hmunhla varal ram  ah zuang cang lai. theihthiam har a ti i, an inn ah hlim lawm in an rak len tti nak ruun ah cun khua a ruat i  khuaruah har tukin a hngalh. caan liamcia vialte hna a ruah tthan tikah i tlaihchannak, pakhat le pakhat i zawnruahnak hna kha raulote ah an tlau kho ti mi cu pawmthiam le theihthiam ai tim len nain ai timhnak a ngan paoh ah theihthiam har a ti than tawn, a lunglennak zualtertu le a ngaihchiatnak chap tu men an cang than, a lung a dam kho lo. ai tim len nain a hlawhtling lo a lilennak chaptu an nunhlun an si. a ruang cu nuthlawi lengleh a si cang ai. 

She doesn't know what's right

She doesn't know what's wrong

She only knows the pain that comes from waiting for so long

Thih tiang pumkhat si ding le zumhtlakin nungti dingah an rak tiammi vialte hna chikhat i zeihmahlo an can than a ruah ko ah hin tuar har a ti i, a lung a dam lai lo. a thin laicer ah namte sawh bantukin a fak i a tuar. cu tluk a lungfah a tuar lio ah cun a chia le a tha thleidan zong a thiam lo, a ruahnak cu mawlmak in thil si kho tilo ding lawng khi a ruat cang, a tlung nolh ti lo ding mi si than dingin a duh mi lawng cu ai nunpi cang. a bia ka khat hmanh nilengin ai lawmhnak a si tawn mi kha tu cun nunhlun an cang i sulhnu khirh khoh tilo mi an si cang ai ne. 

And she doesn't count the teardrops

That she's cried while he's away

Because she knows deep in her heart

That he'll be back someday

The light's on in the window; she's waiting by the phone

Talking to a memory that's never coming home

She dreams of his returning and the things that he might say

But she'll always be the girl from yesterday

Yeh, she'll always be the girl from yesterday

Ni ceu a luh tawnnak le khua an cuanh tawnnak Thlalangawng pawngah cun tthu in khua a cuan i, a phone ringtone a rin lai cu a hngak tawn, nidang khual a tlawn le a chuah ah cun dong lo cat lo in a hun chonh tawn kha si kaw, tu ah cun a van chawn ti lai lo ti a hngalh peng ko bu in ruahchannak a ngei i, a aw aan dawh te vawleicung pa aw vialte lak ai dawh bik  mi aw cu theih tthan a duh thiamthiam rih. Nunhlun a liam in a kir ti lo ding mi hna cu a thinlung khuaruahnak ah an caam i an hung kir than lai te ding khi a ruat than thiam thiam rih. a hung kir nolh tik i a chimh ding le a biaruah ding hna cu ai ruah kanh cia i, a kir nolh lai ding cu a hngahhlang tuk. "Dawtmi na va dam maw, zei na va lawh?" tiin ai hahdam hlan hlan i chonh cu a duh tuk.

A hngahnak le a ruahnak ruangah hin a mitthli cu zeizat rengruang hen dah a thlak cang ti hmanh a ruat thiam lo, zeitik dek ah cun a hung kir te ko lai timi cu ai hruh chih. a nun puanbang an hlun i an ciam ding cu a siang hngin lo. nain Dawtnak kan ti tawn mi hi a hlawhtling ding cun pakhat lawng dawtnak hi a za loh i pahnih dawtnak, pakhat le pakhat an i dawtnak hi a hau fawn tung. pakhat lawng dawtnak nih cun zeihmanh a thleng kho fawn tung loh. nunhlun ngai in auh than tim hmahsehlaw an kir fawn lo. hlim le lawmin an lennak ruun nuam kha tu ah cun luahlo ruun an hung cang ai kaw, a mah zong cu chuahtak si in nuthlawi lengleh tiin hngalh a hung si cang. 

Dawtnak in a hngah i ruahchannak dong cat lo in a cuanh tawn nain a can nih cun can chia a can i, a hung kir than tilo ding mi an nunhlun cu a nunpi ko cang. Nuthlawi lengleh tiin hngalh a si i, a lunglennak le umharnak hna cu an hngalh pi ti lo. 

Salai C. Vanramdinmawi

(Tenglam)