Old Violin

Old Violin 

Ka kum a hngakchia rih i minung chan chung rel chih ah cun kum tam ka ngei rih ko nain, ka nunchung vialte kum ka hman cang mi ka ruah than zongah tuzan tlukin lunglen hi ka ngei rih lo, ka kum khua hna an hung sau lai i hinak i lunglen zaan hi a tam te men lai zong a si kho ve. Tuzan ka lunglen sawsawh a si lo ngaih mi zong ngei lo in ka lung a leng top. Tuzan ah hin thawte in i hngilh i thaizingah a tho than ti lo ding bantukin lilennak nih cun a hun ka zelh i, kum 22 le 25 kar ka nunchung ah hi bantukin ka um ka hngal bal rih lo, hi bantuk khuaruah in lilen hi a tha lo bik mi lunglen zong a si ko lai dah. 

Ka lunglen tukah kum 19 le 20 hrawng ka rak si lio ah kan sianghleiruun Hostel i ka rak ngaih tawn mi ka playlist hlun Johnny Playcheck hla hna cu pakhat hnu pakhat ka ngai tthan hna, cu hna lak ah "Old Violin" hla nih ka lunglen a zual ter i ka khuaruah ah cun fak khun in a ka pilter than. Hi "Old Violin" hla hi Johny Paycheck nih a thih lai te ah a rak phuah mi a si i, amah nih a rak sak beh mi a si. hi hla a phuah i a sak lio ah hin a zawtnak nih cun a um hnawh peng cang i, sau a dam ti lai lo ti ai hngal cang ca zong ah a si men lai, hi bantuk hla sunglawi hi a hun chuah pi khoh nak. Daryle Singletary he zong hi hla hi an rak sa ti cang i, Hi hla hi a tlangpi ah cun, mi pakhat sau a dam ve lo ding nih a caan a nai cang ti ai hngalh nak hla a si bik ko. Daryle Singletary zong hi hla hi Stage Perfomance a ngeih pi zaan, a thaizing zingka ah a thi ve i, cu caah hi hla hi hla sawsawh a si lo i, tuanbia a ngei mi hla sunglawi a rak si. 

Well, I can't recall, one time in my life

I've felt as lonely as I do tonight

I feel like I could lay down, and get up no more

It's the damndest feelin', I never felt it before

Tuzaan cu Johny Paycheck hla "Old Violin" bantuk ah kai can ve ko, Violin cu a that lio ah Hla dawh dawh sak nak ah an hman i Vawleicung hla dawh bikbik hna le a hleikhun in Country Music hla hna ah hin Violin aw theih khawh ding a um peng. Violin tel lo in ringawn le ringdawh a tling lo i, Music hi a tlamtling kho lo, Nain Violin cu a hung hlun i a hung rawh tikah cun hngalh thai a si tilo i, thil hlun chiah nak khaan ah an fim tawn. Minung tampi a lar tertu le minthang ah a chuah tu Violin cu a thar in thlen an si tawn i, Violin thar nih an hmun a hun luah tawn ko. Cu bantukin kei zong hehchet lemaw catial huam in Lai Literature ah thazaang pe ve ko hmanh ning tuzan cu "Old Violin" bantuk men kasi te lai nak ding khi ka hmuh. Ka catial hna cu hohmanh nih an hun sunhsak  lai lo i, kei zong philh mi ka si ve ko lai. 

Catial ka hei huam ve zia le ka duh ve zia hna ka ruat, nain min ngei in cauk chuah rih mi pakhat hmanh ka ngei lo, keimah kai timh ning le ka saduhthah ah cun Laimi nih an rel ding mi cauk ttha pakhat cu chuah ve kai tim peng, zaanfatin ca ka tial i, a reltu an um lemlo zongah keimah ka huamnak a si ve caah ka hei thai ve len tawn. Cheukhat ka catial a reltu nih an von comment hnihkhat caan hmanh ah kai lawmh ve zia le thazaang thar kai lak ve tawn zia hna ka ruat, aw... cauk tha pakhat tal kai chuah khoh ve tik lebang ah cun mi tampi nih pei an rel lai cu ti hna ka ruat, nain cu ka saduhthah cu phan lo in thaizing khi Sangau-I YLA nungak tlangval nih ka thlan an cawh ni hei si sual sehlaw teh. 

Hibantuk ruahnak ka ngeih mi hi "zeiruangah?" tiin ka hal sawh hlah uh, a ruang ka thei lo, ka duh bik mi cu tuzan ah hin hi khuaruahnak nih hin ka chuahtak sehlaw ti hi a si bik ko. "Old Violin" cu thilhlun chiahnak ah fim a si tawn bantukin, kei zong "Mithi chiahnak thlankhur" ah an ka chiah ve te ding ka ruahnak hi ruahnak nuam cu a si hngin lo dahkaw, nain a ruang ka thei lo, hi ruahnak hi ka ngei top ko. 

Tonight I feel like an old violin

Soon to be put away and never played again

Don't ask me why I feel like this, hell, I can't say

I only wish this feelin' would just go away

Tuzan ka lunglen zia hi kei nih cun ka chimfiang in ka hrilhfiah kho bal lai lo, bia in phuan ka thiam lo i, hla in sak ka thiam fawn lo, Hrilhfiah thiam lo ding mi khuaruah nih a ka len ve zan ah hi hla hi voi zeizat remruam dah ka nolh than, Ka phone hi holh kho le ka ngei sisehlaw "Ka hawi midang zong an lung a leng ve tawn cio, voi zeizat remruam dah hlakhat na ka nolh ter lengmang" a ti phah hnga. Aw minung nih hin kan nunnak ah hin nawl kan ngei ve fawm loh cu teh, kei zong thaizing ah khin ciam kho ve ka si i, thaizing hi vawlei ah hin ka zan hnuhnung bik zong a si kho ve ko ka hawi. 

Lih a si lo, Millionare zong an thi i, mirethei zong kan thi ve lai, Pathian riantuantu hmanh an thi i kan nih misual zong kan luat hlei lai lo, biatak a si thihnak nih hin hohmanh thleidan mi a ngei lo, biatak hi cu a fak i cu nih cun tuzan zongah a ka khawn ko hih. Kan dawt cukmak mi hna hmanh thihnak nih cun a zuah hna lo i a kan lak piak ko dah ngai, kan ni Dawtnak lamhrawn chia ah kar a hlang i hlawt a si ko mi lebang cu kan thih zongah zei pipa ai thleng lai lo, kan caan cu a phan ve te ko lai, zeitik caan ah dah timi ka hngal lo nain tuzan hi a si ko rua lai dah timi ruahnak chiahru nih pei a ka zelh ve cu.

I guess it's 'cause the truth 

Is the hardest thing I ever faced

'Cause you can't change the truth

In the slightest way, I tried

Tuzan cu nizan ah ih caan ka ngeih tuk loh caah tuan te ah ih kai tim, Ihkhun cungah ka it nain kai hngilh kho lo, ka mit kai chim len zongah kai hngilh kho hlei lo, tuzan cu ka ruahnak nih a ka chuah tak kho lo, keimah le keimah cu kai au i mihrut bangin. "Salai Adin, khawi ah dah na kal, zeithla na tuah?" tiin keimah le keimah cu kai chawn, midang nih cun ka hmu hnasehlaw "a hrut ko cang hih" an rak kati men lai, nain keimah le keimah cu kai au in kai chawn hrim ko. cuticun kai mer i ka tho, ka room ah a um mi thlalang nganpi hmai ah cun ka dir i, kai zoh. 

Cu thlalangah cun Johny Paycheck hla ah a um mi "Old Violin" voikhat hmanh an tum ti lo ding mi Violin bantuk khan, cu thlalang ah cun "Voikhat hmanh a catial an rel piak tilo ding mi Salai Adin" cu ka hei hmuh. Old Violin thilhlun chiahnak ah fim bantukin, Mithi chiah nak thlankhur ah an fim ding pa cu. 

So I asked myself

I said, "John, where'd you go from here?"

And then like a damned fool 

I turned around and looked in the mirror

And there I saw, an old violin

Soon to be put away and never played again

Ka khuaruahnak cu a fah tuk caah ka dam tak rih ko maw, minung ka si tilo sual maw, keimah ka si tak ko maw ti fianhnak ah thlalang hmai ah cun dir in voikhat cu keimah le keimah kai au in kai chawn than "Salai Adin khawi ah na kal, zeithla na va tuah" tiin, cu ah cun thlalangah ah keimah le keimah cu kai hmu than. cu ah cun dahkaw tangka zong an hlutnak ai khat cio lo i, cheukhat cu a tam deuh le cheukhat cu a sung deuh an um timi fiang tukin ka hngalh cu. 

Kan nih minung nunnak zongah hin cheukhat cu theih peng phu an si i, cheukhat cu kan thei lan lem ti hna lo, theih lan mi cu an tlawm nain theih lan tilo mi cu an tam, kei zong ca ka tial khoh ti lo tik le pakhat hmanh cauk tha chuah manh mi ka nheih lo ca zongah si lo in theih lan lo mi hna lakah kai tel ve ding zia ka hngalh ko. Cu thlalangah cun Johny Paycheck hla ah a um mi "Old Violin" voikhat hmanh an tum ti lo ding mi Violin bantuk khan, cu thlalang ah cun "Voikhat hmanh a catial an rel piak tilo ding mi Salai Adin" cu ka hei hmuh. Old Violin thilhlun chiahnak ah fim bantukin, Mithi chiah nak thlankhur ah an fim ding pa cu. 

So one more time, just to be sure

I said, "John, where in the hell do you go from here?"

You know that when a nickel's worth of difference

And I looked in the mirror, that's when I knew

That there I was seein', an old violin

Soon to be put away, and never played again

Cu bantukin tuzan thil sining hna cu an si i, a fak in hi lunglennak hi tuar a har ko, hibantuk khuaruah hi ka nei bal lem lo nain tuzan cu ka duhnak le remtinak zong silo in ka lungchungah an hung lut ve top ko. Cu Old Violin le kei nih hin i khat nak zawn te kan ngei ko rua dah kati, Violin nih cun a that caan vialte ringawn tuahnak ah a caan a pek i, kei zong nih ka nunchung kum 22- 25 hrawng a si cang mi ah hin ngaihzawng ngei rual ka si thawkin a dihlakin cattialnak ah ka caan an liam. 

Violin nih cun a donghtiang music ah a caan a pek bantukin kei zong hi khuaruahnak hi a tak hna an rak si ve sual ah tiin, hi vawlei ah ka zan hnuhnung bik hmanh rak si sual sehlaw catialnak zaan ah hman rih thiam thiam ka duh i, hi bantukin ca ka hei ttial tthan ko. 

And just like that, it hit me 

That old violin and I were just alike

We'd give our all to music

And soon, we'll give our life

Salai C. Vanramdinmawi

(Tenglam)