And if drinking don't kill me, her memory will Ka zu din hi ka thih phah lo hmanh ah, kha nu ka hngalh peng nak nih hin a ka thah thiam thiam te ko la

And if drinking don't kill me, her memory will

Ka zu din hi ka thih phah lo hmanh ah, kha nu ka hngalh peng nak nih hin a ka thah thiam thiam te ko la

Zinglei suimilam 4 hrawng a si cang, kan khua zu dawr cu an I khar dih cang I, zu zuar hna zong an it dih cang ko rua, vengthlang Mang Nawn nu hmanh nih innka a ka onh duh ti lo, Zaan chiar ka zu dinnak Duh Tling hmanh ka thawhter kho ti lo, ka zurit ning le ka zu heh ning an ruah ah an ka awnh duh ti lo zong a si men ko hnga, cim le dongh hngal lo in zuu a ding mi keimah hrim an ka celh lo an ka zawh lo hmanh ah an mawh ve lo, Zankhuadei le chun ni tlakin ka din hnawh tawn mi hna nih an ka simh zongah an mawh ve lo, ka ti tuk tawn ve kai hngalh ko. A chel ah ka hei bat chinchap hna leban ah hin cun le fawi ah ka pek khoh hna lo lebang ah hin cun celh chuak lo tak cu ka si ve fawm cuh.

The bars are all closed
It's four in the morning
I must have shut 'em all down
By the shape that I'm in

Zu din ding kawl len I hmuh ti lo hnu ah inn lei panh in ka lawi, Kan inn tual ka phak ah khin ka ri tuk cang ka lu nih a rit tuk fawn cang kai zo za ti lo, ka lu cu lirkho khalhnak ah ka hngah i Horn a suk caah ah “Pip.. Pip.. “ Thang ngai in a awn, innpa chakthlang nih an ka theih dih hawi cang, Zu riit bu in ka lawi hawi ti an hngalhthiam hawi ko lai, Zandang zongah ka kutka on thawng le ka lirkho khalh thawngah an I thang in ka thawngpang an theih ah hngilh kho loin an um tawn, Ka inn pa hna nih zu rit bu in ka lawi hi cu an theih bik mi a si zungzal.

I lay my head on the wheel
And the horn begins honking
The whole neighborhood knows
That I'm home drunk again

Hi tlukin zu ka din le mah hngal lo in ka rit kai tengh nak a ruang zong hi ka innpa chak thlang nih cun an hngal tuk lem lai lo, a ruang cu hika hmun ka umnak hi a sau lo pinah mi ka kawm in ka naihniam tuk lem hna lo, zu dinnak le ritnak lawngah keimah in ka caan ka hmanthlu tawn.  Ka zaamtak mi nunhlun kha chimh ding le chimnak caan ka ngei tuk lem lo.

Ka zudin tuk mi nih hin a ka thah tuan lo ah cun kha nu ka hngal peng nak nih hin a ka thah zau lai timi hi fiang tukin ka hngalh, Tuar a har caah sau tuk in cun ka tuar khoh ding mi le nun bu in ka zoh sawsawh khoh ding mi thil an si lo, cu tuarnak phenah cun zuu din in kai tlak zu din in kai hnem, Ka pumas thisen thawnnak vialte chuahin I hrim than kho ding khi ka si ti lo, Ka tuarnak hna cu an men lo caah minung pakhat lawng nih voikhat damchungah pah chih khoh ding mi thil an si lo, Hi nu ka thinlung ngeitu hi philh in keimah lawngin nunthar chan thar bawh le zuanhnawh than kho si hmanh usihlaw ka ruahnak le ka hnathlam le ka muithlam ah a cuang zungzal cang ding mi Nu ka ruahchannak le ka ruahchan nu ka hngalh peng nak nih hin a ka temtawn ko rih, Zuu ka dinnak nih hin ka nunnak a liamter lo hmanh ah ka hngalh peng cang nak nih hin a ka thah hrimhrim ding a si ko cang mi zuunthing ah ka nunnak ni bang a liam cuahmah ko.

If drinking don't kill me
Her memory will
I can't hold out much longer
The way that I feel
With the blood from my body
I could start my own still
But if drinking don't kill me
Her memory will

Nun hlun le tuanbia tthing hna kha khuarei ah cang hmanh hna seh, kan I pehtlaihnak le kan zuun hna kha thing in hlun cang hna hmanhseh pakhat hnu pakhat zei zong vialte, Dawtnak horkuang zawhin kar kan hlannak pakhat hnu pakhat ka philh kho bal lo, ka ruah khiarmar than caan ah hin cun tongh colh khoh mi bantukin ka mitthlam ah an thar than zungzal tawn, a thar bantukin .

These old bones, they move slow
But so sure of their footsteps
As I trip on the floor
And I lightly touch down

Bawipa Ka Pathian, Hi nu philh khohnak dingah hin Zu thawl zeizat rengruang hen dah ka din cang, a hngaltu na si, Zu thawl zeizat hmanh ka Dinah ka philh kho hlei fawn lo, ka hngalh peng rihnak nih ka ruahnak le thinlung cu an chilhkhuh ko rih, Ka thinlungah hi nu hi a caam peng rih ko, Ka pawng te ah a um in ka reikiangah ai zel peng rih mi bantukin ka hngalh rih ko, Hi nu ka philh nak dingah hin zu thawl zeizat remruam dah ka din a hau rih hnga.

Voi zeizat remruam hen dah rih lengmang le sawn lengmangin inn ka hlam a herh rih hnga, Ka innpa le ka hawikawm caah hnawksakin zaantlai ah ka lawi a herh rih hnga. Pathian samhrisih kan si lo hi cu ka theihthiam ko, Pathian khuakhannak hi ka cohlan ko a dihlakin nain, Pathian samhrisih kan si lo hnu zongah ka philh khoh than lo mi hi cu ka hngalthiam kho ti lo, Pathian tiin zu rit bu thla ka cam a tlawm lo, Ka hranah na ruat lo ah cun ka philh khohnak din zongah na ka bawmh a hau tiin Pathian ka chuahchalh caan a tlawm lo.

Lord it's been ten bottles
Since I tried to forget her
But the memory still lingers
Lying here on the ground

Cuticun ka hrangah Pathian ruat a si lo mi cu ka philh khohnak hnga zu din tal ah ka philh tawn kha maw tiin zu din ah kai tlak, a ruang cu lungfim in ka um ah cun ka hngal than peng tawn, Zu ka van din ah khin ka van rit deuh ah khin chikhat cu ka philh tawn, cu ka philh chung caan tawite hmanh cu ka hrangah a nuam in a tha tukah ka ruah, nain ka rit a reh ah cun a hlan bantukin ka hngalh than lengmag ko, cu caah ka philh khohnak hnga zuu din ah kai tlak.

Cu nih cu  zzu tamtuk a ka dinter cang, ka pumas nih a zawh lo tiang in cun zu cu ka ding cang, Ka zu din nih hin ka thih phah lo cun ka hngalh peng nak nih hin a ka thah thiam thiam ding a si fawn, aw hringnun ngai hi ti in zu din cu ka rian a si, chunnitlak zankhua dei in.

And if drinking don't kill me
Her memory will
I can't hold out much longer
The way that I feel
With the blood from my body
I could start my own still
But if drinking don't kill me
Her memory will

Salai  C. Vanramdinmawi

(Tenglam)

31, Chiapa, 2019, 1:30 am

Lawngtlai