Highway Don't Care (Nain kei nih cun na zawn ka ruah)

Highway Don't Care (Nain kei nih cun na zawn ka ruah)

Highway Don't Care (Nain kei nih cun a zawn ka ruah)

Nuva hmanh pei I sik le I velh caan an ngeih tawn cu chikhat ai daw mi an hmailei ah zeidah a cang lai timi hmanh a hngal lo mi cu I sik le I tuahthiam lo caan cu kan ngei theu ko, cu ni zongah cun ka nupi a si tak te hnga maw ti hmanh ka hngalh lo mi nain ka nupi si kho sehlaw tiah ka duh mi si ding zong ka ruah cang mi he kan i si kan I sik nak zong a biapi lo nain kan I sik ning cu a fak, Nu pakhat na chuahpi Restaurant ah na dinh pi timi le nang zong pa pakhat nih an phurh ve ko ti sawsawh ah kan I si cu zanlei cu, kan bia fah sual caah chim ding kan ngei thiam ti lo.

A motor ah a cuang i thinhar le mitthli tla bu in zeihmanh a ruat thiam ti lo, cak nawn in a car cu a khalh i a car thlalang cu niamte in a awn a sam cu thli nih hnulei ah a thui lengmang in a choih, a thinhar tukah zeitlukin dah car a khalh ning a rang ti zong a hngalthiam ti lo, kan I sik nak hna cu philh a duh I hngalh tilo a duh ton bal lo mi bantukin philh lan a duh a fak tuh a hrang le ka hrangah, phanh a duhnak a phanh hlan tiang cu tlik zawk zawk phanh tuan a duh a motor khalh ning ka zoh ah a fiang ko, lungdah in khuaruah a duh caah a cartape cu a chuah I hla a ngai thinharnak hla hna zong a si kho men, kan I sik lio ah khan kan thinhar veve kan bia a fak v eve kan I dawt lo ruangah a si lo kan I dawt tuk ruang le kan I sianlo tuk ruangah a si deuh midang hrang dingah cun kan I siang veve lo cu caah kan thin a har tuk veve ko.

Bet your window's rolled down and your hair's pulled back

And I bet you got no idea you're going way too fast

You're trying not to think about what went wrong

Trying not to stop 'til you get where you goin'

You're trying to stay awake so I bet you turn on the radio and the song goes

A car cak tuk in a khalh mi nih ka ruahnak a ttha lo, Car khalh a thiam ka te a si fawn Car a neihnak zong a si rih lo thlakhat lawng a si rih cutlukin cak in khalh thiam ding a si rih lo ti zong ka fiang tuk, cutluk cak in a khalh cu a thiam ruangah silo in a thinhar tukah a mit a cawt ruang cak tukin a khalh timi zong ka hngalh caah ka ruahnak a nuam lo.

A car tape ah a chuahmi hla cu a thang i lam hla pi zongin theih khoh an si , a hlabia hna zong “Dawtmi kan kal tak kho taktak bal lai lo, nanglo cun ka tlei kho lo Dawtmi, nang lo cun ka lunghna a ngam lo Dawtmi, “ cu hlabia cu a nolh than lengmang.

I can't live without you, I can't live without you, baby

I can't live without you, I can't live without you, baby, baby

Car a khalh ning a ran tuk ka hmuh ah ka ruahnak a tha lo, a zawn ka ruat kan I sik kha ka duhlo ruangah asi lo, ka duh tuk caah a sinah ka thik tuk caah a si deuh, ka ruahnak ah cun Dawtmi vailam thluan nih na zawn an ruat lo, Vaithlam thluan na nundam a hngal lo, Vailam thluan nih na lunglen le lungrawh a hngalthiam lo, kei nih cun ka hngalh ko, cak tukin khalh hlah. Zalam thluan nih na mitthli an hnawt lai lo, Zalam thluan nih na khuaharnak an hnem lai lo, na ngaihchiatnak zong a theihthiam in an hnem bal lai lo. Kha zalam thluan nih khan keimah tlukin an herh loh i, na kir than le than lo zong zei a poi lai lo, kei nih cun na hong kir tthan ka duh i, ka sinah na lungdam tthan ka duh, na nih lion a mirh lio le na thinhar le na nuar lio hna zong kha hmuh than le the than ka duh tiin .

The highway won't hold you tonight

The highway don't know you're alive

The highway don't care if you're all alone, but I do, I do.

The highway won't dry your tears

The highway don't need you here

The highway don't care if you're coming home, but I do, I do.

Ka holh le ka bia vialte kha ka thinhar lio ah ka chim mi an si ka palh a si timi khi chimh than ka duh, Ka phone cu ka lak I hei chonh than khi kai tim nain hohmanh chonh le biak a huam lo ca maw a si hnga a phone cu a thah i Company nih Switch Off ti lawngin a hun ka leh, voi zeizat remruam hme ka call than nain switch off timi nih a ka leh than tawn. Phone chonh cu chim lo midang aw hmanh theih a duh lo caah a cartape cu a rin khoh chungin a chuah i a motor rin thawng hmanh a thei lo a hla ngaih lio mi dah ti lo. Nain a hla ngaih lio mi cu keimah he kan ngaih tti tawn mi hla a si ti ka fiang tuk. Ttah buin a ngaih a mitthli hnawh pah in motor a khalh, Aw Note amah lawng a ttah ka sian bal lo mi kha tu cun kan I sik caah amah lawngin cu hla cu thinhar le ttah buin a ngai ko hi mu.

I bet you got a dead cell phone in your shotgun seat

Yeah, I bet you're bending God's ear talking 'bout me.

You're trying not to let the first tear fall out

Trying not to think about turning around

You're trying not to get lost in the sound but that song is always on, so you sing along

Nanglo cun ka tlei lo, nanglo cun ka hna a ngam lo, nang lo cun ka thlavai a kiang, zeitin nanglo cun ka nun lai i hringnun lamthluan hi ka hrawn lai, nang lo cun pumpak ka si bantuk ka pakpalawng Nunu.

I can't live without you, I can't live without you, baby

I can't live without you I can't live without you baby, oh baby

Ka Phone a lak khoh lo hnu zeitiawk a that tilo hnu le hla tuk a tlik hnu ah khin ka zoh lengmang nain ka hmuh phanh tilo nak tiang a tli cang, ka khuaruah cu a fak, dawtmi dang kan ngaih v eve lo zia ka fiang, minute pakhat midang kan chuahpi hmanh ah kan thik zia le kai fiang. Kan I theihthiam lo caah kan I si nain kan I sik ning a fak . cu nih cun cak tukin motor khalh athiam ka te Note cak tukin a khalh ter sual, Zalamthluan ah ka dawt sungkhun zei a can lai zawnruat ngai buin.

Kha ni kha dah ngai zanlei thawngpang ka theihmi nih Whisky thlah kho tilo dingin ka hringnun a tuah ni le ka lunglen caan le ka thlavai caan catial a ka huah ter tawntu a chuah zaan cu. Kan I sik lio ah khan zeihmanh chim velo in rak kup tawp ko ning law zeipaoh kha a fel dih ko ding a si nain tu cun lungchir nih zei san an tlai lo. zeihmanh an thleng kho lo, ngaihchih le lunglen lawng an cam cang.

I can't live without you, I can't live without you, baby

I can't live without you I can't live without you, baby, oh baby

The highway don't care

The highway don't care

The highway don't care, but I do, I do.

Kha tan kha kan nungdam in kan I hmuh hnuhnun biknak ding a si ti hngal ninglaw toidor in zeipaoh a chim ah ka el hnga lo, nain minung ngai fah cu kan hmailei zei a can lai hngal hlah kaw dawtlo bantukin ka el sual ka dawt tuk caah, kan I hmuh hnuhnunbiknak ti hnga ning law a mitthli kha hnawh piak in ngaihthiam ka hal hnga I ka kuh in a kut ah fektein ka tlaih hnga, a hmur sen virmar ah te khan cimlo in ka dawp hnga.

Kan I siknak a ruang kha ka ruat than tawn, kha ni ah Restaurant a rak dinh pi mi kha a Cousin a si I an karah zeihmanh a um lo, kei zong ka chuahpi mi nu kha ka hawittha taklawngin ka hmai ah um hmanh sehlaw ka it khawh lo ding a si ve. Kan I duhtuk kan I dawttuk nak ah kan rak I thik sual sawsawh mi nih hi vawlei ah cun zungzal in an rak kan then. Ka lunglen hnemah Whisky lawng ka tlanh cang.

Serchhip lam ka tlik caan paoh ah Dawtmi nih caktukin a car ngeih thar mi a khalh lio kha ka mitthlam ah an cuang i , a car ah a thinhar buin a thut lai i a mitthli tla kha ka mitthlam ah an tlau ballo. Cu nih cun tutiangah Whisky cu I hnemhnak ah a ka hmanter I Lai Literature ah catialtu ah a ka chiah, ka lunglennak le thlavai kiang nak hna hi bia le hla in ka phuan theu lai hi hnu hmailei zongah.

Salai C. Vanramdinmawi

(Tenglam)

Lawngtlai

10-July-2019

7:30 pm – 8:03 pm