Stronger than i am : Lee Ann Womack

Stronger than i am : Lee Ann Womack

(Bobbie Cryner)

Midang ngakchianu bantukin a pa nih kal a cawnpiak mi si lo hmanhseh nikhat hnu nikhat kar a hlang thiam ve ziahmah i tu cun amah te in a kal i a tlik hmanh a tli thiam ve cang nain a ka zamtak ve ballo. A pa tello in hi vialte harnak kan pah cang mi le kha caan chung vialte fahrah le nuhmei nun hrawm in kan um lio ah kan lam a kan hruaitu Pa ngei lo hna caah Pa, Pasal ngei lo hna caah zungzal bawmtu Pathian nih a kan um pi peng ka hngalh. Kha harnak caan chung vialte hna pah kho dingin ruahchannak le lungthawnnak a ka pe tu hi a Pa nih a hlawt mi ka Fanu hi a si ko, Hi vawlei hi ah hin chimpit vansan in ka um caan ah le hringnun lamthluan hi keimah lawngin pah a har kati caan zongah Kafanu ruangah hin ruahchan thar ka char than i, lungthul lo in hmailei ka panh than theu tawn.

A hlan nak khan thil sining ai thleng tuk lem lo, Thilri umtuning hna zong cheukhat cu a hlan bantuk te kha an si ko, Thinlung hmape zong cu hmun camcin ding si ko cang hmanhseh a hlun ballo mi nunthing hna le duhthim ka palh sual ruangah ka rak pal sual mi nunhlun hna nih khan a caan caan ah ka nun cu hung suk than caan um ko hmanh seh, nikhat hnu nikhat hmai a ka nor tertu cu ka fanu hi a si ko.

Duhnak in Dawtnak lam kan rak hrawn ti lio ah khan cun hi dirhmun ka phak lai ka rak ruat bal lo, na biachim holhrel le umtuning ah hi tiang na ka phak ter ding khan cun ka ruat thiam lo, a thlum bik mi Dawtnak par kan rak tlanh ti bantukin kan thuttinak tlehkhat cu a hmun camcin dingah ka rak ruah sual, nain hringnun zalam ka hrawn sual mi nih hi dirhmun ah a ka chiah, keimah lawngin ka zohkhenh i a thanchoh lio ka zoh ko cang ding mi kan fanu lawng hi ka ngeih rih mi ka nunchung caan ah ruahchannak le lungthawnnak a ka petu a si lan cang ko lai hih.

Hi kan fanu, Thinlung hmape na ka rohta mi sinah keimah lawngin ka kenkawi ding kan fanu hi, na hrangah cun minung pakhat sawsawh hmanh rak si sual sehlaw ka hrangah cun Pathian thluachuah a si, a muih bik nak hmun le a harbik nak hringnun ah ceunak le ruahchannak a ka petu a si, zingka kai hlauh in ka hmuh hmasak bik vanmi a si, na ka rohtak mi ka ngeihchun ka zeizong vialte le ka nunnak tlukin ka dawt mi ka rosung a si.

Ruahchannak in a khat i, saduhthah tampi a ngei, ruah a han ka in Chuncha hmuh colh lengmang ai zuam bantukin kan pahnih in kan pah ti mi harnak pinah khin thatnak a um theu lai timi ruahchannak a ka petu zong a si ve, Lung le thing nih a nenh ve lo mi fawm cu nikhat hnu nikhat amahtein a thang ve ziahmah, chikhat a zawt sual caan rian thul in ka umpi caan hmanah a ihnak ihkun cungin thazaang a ka pek, "Kanu ka upat tikah cun keimah nih kan zohkhenh ve lai, rawl kan chuan piak lai i, tar caklo si in nangmah in na kal khoh lo tik zongah kan hruai lai, na tak zong kan kholh ve lai, na thilri zong kan suk piak lai, inn zong nangmah nih na thianh a hau ti lai lo, keimah nih ka thianh dih lai... " a zawtnak ihkhun cung hmanh in ruahchannak le lawmhnak tamtuk a ka pek tawn. 

Mitthep kar lawng hlah maw a si kati lio ah kum le thla hna an liam ve lengmang bantukin a than zong a rak a kum in an liam hnu lebang ah cun, thlachiat hmanh ruat lo in na kan hlawt le na kan kaltak ti hmanh hi a hngal rua lo, maw a theithiam lo hrim dek. Dawtnak, Duhthimnak palh sual ruangah minung pakhat nih hringnun hi zeiluk chikha in dah a hrawn khoh i harnak horkuang a hrawnter khoh ti a theihthiam tikah cun a theihthiam ve te men ko lai dahkaw.

Things around here haven't changed much

It's all pretty much the same stuff

Day after day

The only thing that keeps me goin' seems to be our baby girl I'm tryin' to raise

She's my life, my mornin' angel

Always seems to find the rainbow after the rain

Lately she's so busy growin', I don't even think she knows you've gone away

A hmai ah a um mi le amahtein a pah ve ding mi hringnun lamthluan ah hin hmaipanh in karhlan zai a rel ve cuahmah cang, karkhat hnu kar a hlang, harnak a ton caan ah a buai colh lo, kar khat hnu karkhat a kal ziahmah, chikhat a tluk sual caan i a khup vun a a kok sual caan ah chikhat a tap i a tlu thai lo a tho than i a ka zoh, a mirh than theu, cun hmailei panh in a kal than tawn. Midang bantukin ruahchan ding pa a ngei ve lo nain ruahchannak in a khat saduhthah tampi a ngei, a nu hrangah, khuatlang ram le a minung hawi hna hrangah tuah duh mi tam tuk a ngei theu. 

Ngakchia dang bantukin a biahal a pang, ka leh khoh dih lo caan ah "Kapa nih cun a hngalh ko la" a ti tawn mi hrim nih hin ka khuaruah a tam ter tawn, ka zaang a fak tuk tawn, a thli in mitthli tlak caan a tam. a lungput a thian zia le huatnak le lungfahnak a than pi lo zia ka hmuh ah keimah nak in a thawn deuh zia ka hngalh. Kha tlukin harnak na kan tlunh mi le ningzahnak na kan chiahta mi hna kha a hngal peng ve lo, caan sinah a liamter a than pi lo, an ngaihthiam dih bantukin an philh piak ti ka hngalh nak cu "Ka pa cu kan sinah um ve sehlaw, a liang ah kai khinh hnga i, ka hawi le hmai ah uangthlar ngai in ka um hnga" a ti tawn mi le, "Ka pa ka dawt ko, na in ka hmu bal lo" a ti tawn mi nih fiang tukin a langhter. Zeihmanh a cang lo mi bantukin na palhnak vialte hna kha a thinlung tuarnak chungin a hlonh. 

She ain't crackin' under pressure

First one step and then another

She goes along

And if she falls and skins her knee

She cries a while and smiles at me, and just goes on

So many things that she can teach me

Full of life and so completely innocent

She still says she loves her daddy

Goes on just like nothin' happened

Forgives and forgets

Zei paoh a cawn ah a thiam a rang ngai, a cawn lo mi thil tiangin a hngalh mi a um, ka chimh bal lo mi le ka ruah bal lo mi zeitin a hngalh ti hmanh ka ruahthiam lo mi a tam tawn, "Mangtha tuk" ti zong a thiam ve cang, zaan ah tap lo te in ai hngilh kho cang, hohmanh nih hruai hau lo in kal a thiam cang bantukin rianfial zong a tlak tuk cang, ka hmuh hngan ah rang tuk in a thang.

Kha kan caan chia chungah harnak kan pah mi vialte le ningzahnak kan ton mi vialte hna ka ruah than ah hi tluk fanu thluachuak ka ngeih hi zumh har ka ti tawn, Pathian dawtnak a sunlawi zia le a khuakhannak ka theihthiam lo zia kai fiang chin tawn. Keimah nak in a thawng deuh i a tuarchel deuh tuk kati. Keimah lawngin ka pah khoh lo ding mi harnak chung vialte ah khan ruahchannak le thazaang a ka petu a si zungzal. Nunhlun khirh tha khoh ti lo ding mi ruat in zantlai ah mahlawng ka tah caan hmanh ah khan hi ngakchianu te hi ka zoh i, Mitthli tla in a tap ding ka si lo zia le lungcan i pe in a hrangah ka dihlak ka chuah a herh zia kai fiang than tawn. 

She finally learned to say goodbye

She's sleepin' through the night

She don't wake up cryin'

And she's walkin' on her own

She don't need no one holding to her hand

And I hate to admit

She's stronger than I am

keimah nak cun a thawng deuhtuk, ruahchannak a ngei deuh tuk, saduhthah tampi a ngei i, tuah duh mi tampi ai hauh, midang bawmh duhnak, midang caah thathnem duhnak lungput hna ai than pi, harnak le retheihnak hna hi a khual an si bal lo bantukin pah khoh ai zuam peng, keimah zong lungcan pek a ka zuamter i ka ruahchannak le ka thazaang a si zungzal, zungzalin.

She's just like her old man

Stronger than I am

Salai C. Vanramdinmawi

(Tenglam)

02:30 - 03:46 am

Lawngtlai