Tutan ka Aizawl tlawn cu dah ngai.

Tutan ka Aizawl tlawn cu dah ngai.

Aizawl um Lai Saingngakchia hna nih General Election kan ngei than lai timi an hong kan thanh i meeting kan auh colh General Headquarters lei in telpi ve ah a tha lai kan ti i, Hruaitu thim ding kongah elhnial nak tete a um caah telpi kan duh hna nak zong a si, kei cu ka rian a tam caah le kai manh deuh lo ngai caah kal kai tim tuk lem lo, zan ah GHQ i kan hruaitu pahnih Vice Prseident le Fin Secreaty an rak ka leng i na rat ve ah a tha lai kan mah lawng khual ah nan kan tlawnter tawn tiin an ka uhtanh ve caah an lung nuamhnak ah "Aw siko" ka hei ti hna nain kal tak tak cu kai tim lem lo, nain Cawnnikhat zanah kan Vice President nih Phone in Aizawl in a rak ka chonh than i rak ra ve hrim hrim a ti caah a thaizing zingka ah kal kai thawh.

Aizawl ka khualtlawn lam ah lam zatceu in Sianghleiruun ah kan Junior Vohbik a hong i tel ve i kan i nuam chuachuah Lunglei hi ka phanh bal lo caah Vohbik nih cun Lunglei kan phak ah a veng an then ning le hmun pawimawh pawl hna a ka chimh i kai fiang ngai ka tlawn nolh tik zongah ka tlau ti lai lo, Lunglei ah hin chikhat cu LSA Branch a rak um ve nain an rak pehzul kho rua lo tu cun a um ti lo, dirh nolh than dingin kan izuam ding hmun pakhat a si.

Aizawl ka phak ah hin kan Vice President Papui nih a rak ka don i an inn ah ka tlung colh, ka phone a rawh caah ka U eng le ka far le zong Aizawl ka phan timi ka chim kho hna lo, ka far le cu an rak nuar manh deng. Aizawl ah cun ka kawlhrawn pi mi Aduat he kan i zulkhal colh khawtu khawlu kan let colh, LSA Joint HQ;Aizawl ah General Election ding i hruaitu ai cuh ding mi hna hrangah Scrutiny kan tuah piak hna ni ah hin Sangau khua mi Sailo pa cu cuh ai tim ve, cheukhat nih an duhlo nain cheukhat nih thihngamh in an tanh ve, Sangau khua chuak Laiholh thiam, a nu zong Lai a si ko caah ai cuh ve ding a si anti, cheukhat nih kan pupa chanin Sailo le Lai cu ai do mi kan si anti ve, nain Scrutiny ni kan phanh i pakhat hnu pakhat an hun luh cio tikah Mizo holh nak hmanh in Laiholh ai ziak deuh Mizo a sinak hmanh in Lai a si nak a lang deuh, athisa cu Sailo a si nain a thinlung cu Laipasal bak a si ve. kan umnak le khuasaknak nih hin tamtukin kan lungput a mersan timi ka hmuh. nain Election taktak ah cun vote tlawmte in a tling lo.

LSA Joint HQ Aizawl nih Lawngtlai East Constituentcy in MLA a tling mi Pu H. Biak Zau lawmhpinak roca an pek nak ah kan va telpi ve hna, GHQ in kan General Secretary cu zanlei ah Helicopter in a rak phan ve i GHQ in pali nih kan telpi khoh hna, LSA Joint HQ ;Aizawl nih hin Lawngtlai East in a tling mi Pu C. Ngun Lian Cung zong lawmhpinak an rak pek ve cang nain kan rak telpi kho hna lo. Pu H. Biak Zau nih hin LSA General Headquarters Office sak thlu nak dingah a MLA Fund in 200,000 LAKH a kan pek caah kan i lawm hringhran , Pu C. Ngun Lian Cung zong nih hi zat thiam thiam in bawmh ve a kan timh nak kong a chim. a thaizingah Lairam chung High School Teachers hna tranfers an ton mi le Lairam Sianginn pawl ah Cawnpiaktu kan chambau nak hna kha Mizoram Education mInister sinah cathluan kan chuahpi than.

Zanlei ah MZP Office ah kan leng ka hawi hlun pawl Aizawl City Joint Students Union (ACJSU) ah ka rak tuanpi mi hna he zong kan i tong hna cheukhat cu MZP hna ah hruaitu an rak si cang hna, cu hna lakah Pachhunga University College ah Students Union Leader ka rak tuanpi mi B. Lalruatpui Vice President a rak tuanmi he hna zong kan i tong, kan i hmuhton lonak a sau i kan i ngai tuk hna, Aizawl ah lam kan hrawn lio cozah he kan i doh lio zantim khawmang ah kan rak zam lio hna kha kan chim than hna i kan ni len hna.

Zan kai hngilh khawh lo caah zankhua ka dei khuaza za ka ruat zing khua a dei in zingka tal ah thlifim dawp ning tiah kai tim i lenglei ah ka chuak ka kal i Lai Students Girsl & Boys Hostel tiang ka kal, ka nau le an rak tam ngai a hlei in kan khrihfabuu mino le kan khua Sangau khua siangngakchia an rak tam Girls Hostel ah hin ka chuahpi mi ka chang Mathluai cu Monitor a rak si i Boys Hostel ah hin kan innpa kan khirhfabuu mino lakah a fel ngai mi unau zohin kan i zoh mi Roluahsang zong Monitor a rak si ve, rawlei an ka sawm colh i mehthaw tak tak an ka chuan piak i zing rawl zong ka ei colh na der tuk an ka ti i, Dawr ah Chawsa Soup an ka lam piak, Zarda an ka cawkpiak na duh tawk in i din an kati i Laihla an ka chuahpiak an ka zohkhenh ning a sunglawi in kai lawm tuk chun ah an ka lenpi hnu ah ka tluninn ah an ka chiah than.

LSA Joint HQ;Aizawl thim lai zanah hin Aizawl LSA ah kum saupi Treasurer rian a rak tuan cang mi Bualpi NG khuami Tlangi le a pasal te inn ah kan GS he kan riak, zingah rawl thaw taktakin an kan chuanpiak

Lai Students` Association Joint Headquarters;Aizawl General Election ni cu kan phan, Tuikhuahtlang YMA Hall cu Lai SIanghngakchia pawl nih an hung panh lulh hna i min a tial mi hi za sarih (700) leng an kai, min a rak tial lo(Enrollment pe lo mi) mi luh an sianh lo mi hna he cun zariat (800) lengkai an si. lung a nuam tak tak, thimnak zong tlamtling tein an lim i buaibainak um lo tein le thiang tein an lim khoh LSA Joint, HQ; Aizawl hruaitu pawl an fel zia a lang hringhran.

Aizawl um Lai siangngakchia hna ka hmuh ah kai lawmh ngai nak cu Lai holh hmannnak khua in a ra lo mi hi a tam deuh an si lai an chuahka in Laiholh a hmang ballo mi hna zong Aizawl an um i LSA ah an i tel hnu in Laiholh a thiam mi le Laiholh in chonhbiak khoh mi hi an tam tuk hringhran an zapi tein ti khoh a si, Laiholh thiam na duh ah cun LSA Aizawl ah i tel ve ti hi an capo biatak a si, an Secretary a tuan mi tuah President ah an thim thar mi KC. Lalremthar hawi hna cu Saikah khuami Laiholh a hmang ballo mi a si nain tu ah cun Laiholh hi kan mah bantukin in a holh kho cang. cubantukin an hruaitu le an chungtel dang hna zong Laiholh an thiam dih ngawt hna Laiholh thiam cu miphun tanhnak le cawisannak an ruah mi lungthin a si hi kai lawm tuk. ka thangthat bak hna ka upat fawn hna.

A thaizing cu tuah ding ka hngal lo kan GS nih a ka tluntak caah le kan hruaitu dang hna anmah le an rian cio ah an buai caah i chawkning inn um cu khua a har ka ti i kai chawk MZP Office ah ka phan Hall ah Mizoram Bawm Students Association nih Freshers Social cum Felicitation an rak hmang ngelcel i telve an ka sawm caah ka va telpi hna, biachimnak caan an ka pek ve i lawmman hna zong an ka sem ter ve caah le LSA an upat thiam caah kai lawm hringhran, Bawm holh kan ti nain kan mah Laiholh an hmang ve ko, kan mah Laiholh bia ka chim i an i lawm ngai, tanrual a herhnak kong le Bawm le Pang cu min hran ngei hmanh ning law kan umnak ai khat lo ruang ah le kan i pehtlaihnak a that lo caah kan holh ah tlawmtete ai dan lawng a si nak kong hna, LADC cu an ta an cozah a si nak kong hna le LSA cu an ta an nule pa kan si nak kong hna ka chim ve, Pu Ngun Lian Cung zong Chief Guest i an rak sawm caah Pakhat kan si nak thiam thiam kha a chimh ve hna.

Ka tlun lai zanah Aizawl LSA Joint HQ ah Asst Secretary i an thimthar mi le hruaitu zong a si cang mi Remdik nih a ka vahpi Aizawl lamkam ah an zuar mi arsa pawl hna kan ei, a thaw ngai nain ka lu a fah tuk caah tam ka ei kho lo, ei thlu kho lo in kan kaltak. Remdik hi a kum a ngakchia nain Ram le miphun zawnruat ngai mi le Laiholh le Laica thanchohnak dingah fakpi in rianhma a domh ve liomi a si caah ka upat.

Aizawl in Lawngtlai lei panh in ka tlun than lai cu a zenh in a ka zenh Lawngtlai ah rian tampi nih a ka hngah timi ka lungah a cam Aizawl ah cam lan cu ka duh. nain Ram le miphun le chungkhar dirhmun zawnruah ah mah duh in a tlawng kho ding kan si rih lo timi kai fiang. Zing arkhuan ah Kan General Headquarter Vice President nih Counter tiang a ka thlah than in keimah telawng Lawngtlai lei panh in ka kir than.