G0 REST HIGH ON THAT MOUNTAIN

(Ka lung a leng hringhran ko)

Nihin hi cheukhat caah cun an chuahcam a si ko lai nain, cheukhat hoi caah thih le loh cam zong a si kho ko, Cheukhat hrangah cun Dawtmi chuahcam a si lai nain, cheukhat hoi ca zongah Dawtmi nih dairial a can cam zong a si kho ko.

Keimah pumpak hrim hrim zong hi "A ruahawk thei loin voihnih ka rak tap ve bal, cu cu ka nu nih a ka hrin ni le Hringtu kanu nih a rak ka thihtak ni ah a si"

Minung hi chikhat telawng a nung i chikhat te ah a ciam than mi kan si ko. Nain kan nih khrihfa mi kan vanthatnak cu thinghnu nunnak ram um lai timi ruahchannak kan ngei.

Go Rest High on That Mountain timi hla tha ngai hi America ram mi Vince Gill nih kum 1994 a rak phuah i kum 1995 ah a rak record a rak tuah mi a si I, mah hla nih hin Best Country song Grammy Award 1995 a rak hmu fawn.

Vince Gill nih hin America hlasak thiam minthang Keith Whitley, 1989 kum ah mual a rak liamnak pehpar in hlafung tial hram a rak thawk, nain a Upa Bob nih kum 1993 ah lungzawtnak in a rak thihtak than hnu lawngah a rak tial thlu i a hnu kumkhat ah Vawleicung ah hla minthang ngai a hong cang, Khrihfa mi hna zong nih kan mah le kan holh cio in kan rak leh ve i kan sak bik mi hla pakhat a hong si.

Go Rest High On That Mountain

( Cu tlang sang ah cun vai din ko law)

Kan nih khrihfa mi cu kan thih kan loh hnu zongah zungzal ramtiam a um timi ruahchannak kan ngei i kan van a tha ko, Laimi le bang cu Pathian thangthatnak hla in kan i hnem kan i domh tawn hna.

I know your life

On earth was troubled 

And only you could know the pain

You weren't afraid to face the devil

You were no stranger to the rain.

Minung kan nunchung ah hin harsatnak le sunghzatlaknak hna a tong lo kan um lai lo, kan ton cio mi harsatnak zong ai lo cio lai lo, cheukhat cu harsatnak kan ton tikah chungkhar le hawikom nih an domh le hnemh mi zong an um lai nain, a thli tein mahlawngin zaan ah mitthli he a hram mi zong an um ko lai, Cheukhat cu pumsa damlonak nih nun nuam loin a um mi zong an um. Kan tuarpi kan hnem hna kanti ko, an kan hram an kan hnemh ko nain a tuar tak tak le a fahnak tak tak cu hohmanh nih theihthiampi thlu a si lo bantukin a fahnak zong mah lawng nih theihthiam ding a tam.

Hi hla nih hin a mah he ai naihniam ngai a thi mi kha hla hmang in a thlah ti kan hmuh. 

Na fahnak hna cu tam ko hmanhseh, mitthli he hringnun na chuahtak ni cun, harnak sunghzatlaknak hna tong ti lo dingin zungzal ramah a leng cang dingin

Na nun nih sunghzatlaknak le harsatnak tampi na ton ko, a fahnak cu nangmah lawng nih na theihthiam mi zong a si, Sual sahrang hna zong na pah ngam ko lai harsat sunghzatlaknak hna cu na hrangah khual a si tung lo

Harsat sunghzatlaknak hna cu na hrangah khual an si lo na pah le na ton zungzal mi an si ko i na ton ngam ko lai. Mihring nun ah harsatnak na ton mi vialte le nunthlavai ngai in na umnak hna nih cun thilrit bang an nenh tuk tawn maw.

[Chorus:]

Go rest high on that mountain

Son, your work on earth is done

Go to heaven a shoutin'

Love for the Father and the Son

Cu tlang thiangah cun vai din ko mu, Kafa hi vawlei na khualtlawn lam cu a dih cang, hi vawlei hi kaltak in, Pa dawtnak thladem tangah vai din ko Vanram nuam ah cun.

Oh, how we cried the day you left us

We gathered round your grave to grieve

I wish I could see the angels faces

When they hear your sweet voice sing

Na thlan vel in chungkhar le hawikom kan tlin ni cu sianlonak mitthli he kan tap.

Pa thangthat nak zaihla na sak ni cun vanmi hna he lawmin na leng ve cang lai.