KA THLARAU CA A THA ( It Is Well with My Soul)

KA THLARAU CA A THA ( It Is Well with My Soul)

Cathiang nih a kan cawnpiak ningah cun kan nih Khrihfa mi cu Jesuh he Vailamtah ah khenhchih kan si cang caah khan kan nunnak cu kan mahta si ti lo in ruahchanak le zumhnak in kan nung. cu a si caah khan a caan ah cun cu kan zumhnak cu tukforh in a um theu tawn, Pathian Thangthatnak hla tha ngai pakhat a um i cu cu "Ka Thlarau caah a tha (It is well with My Soul)" timi hi a si. cu hla cu Horatio Spafford nih a ral tial mi a si. 

Horatio cu cathiam le mirum asi, Spafford hi a tlamtling ngaingaimi Lawyer minthang pakhat asi. Zumtu tha ngai zong asi i Chicago area ah Inn le lo cawk le zuarh hmangin sumdawng ngan ngai zong a si fawn. Anna he thitumhnak an tuah i  fanu 4 le fapa 1 te an ngei, cu lakah an fapa fang khat cu 1871 ah pneumonia zawtnak ruangah a rak thi. A fapa a thih hnu sau hmanh a liam hlan le an ngaihchiatnak le zuuntuarnak hmanh a dih hlanah kum 1871 Chicago Meikang nih a innlo vialte a rak kangh thlu dih dengmang. sumdawnnak tumchuk he aa tong i, 1873 ah a riantuanmi sumdawnnak vialte fak taktak in an tumchukter chin hawi. cu bantukin sungzatlaknak a ton ko hnu zongah cun amah bantukin an inn le lo mei nih a kangh ve mi hna kha bawmhchannak a pek hna i a si khoh tawkin midang caah a pum ai pe. 

Cu lio caan ah, an chungkhar tein Europe tlawn a rak i tim i, London ah DL Moody biachim zong kha ngai manh dingin le an crusade ah i tel ve dingin timhtuahnak an ngei,  SS Ville du Havre timi  tilawng nganpi cit ding in an rak i tim. Asinain rian pipa ngai pakhat nih ruahlopi in a hun phuat i kaltak khoh ding rian a si lo caah a nupi le fale sin ah kal thiam ve lo, hnu ah a van tangta, a nupi le fanu pali kha a kalter chung hna. "Kan i tong than zau te lai, rian pipa tuk ka ngeih caah nan sinah ka kal kho deuh rih lo i, hi rian hi ka van lim zok lai i, nan hnu ah kan van zulh colh hna lai" tiah a nupi le fanau hna cu bia a cah hna. 

Nov. 21, 1873 ah Horatio a chung le cu Europe lei ah a kal mi  tilawng Ville du Havre timi an i cit. Cu khual an tlawn lio ahcun an tilawng cu tilawng dang Loch Earn timi he an i su i, an lawng cu Atlanta Rili ah a pil cuahmah, Anna nih cun a fanu pali hna cu Lawng a pil cuahmah mi ah cun a kuh hna i a thutpi hna i, a hnemh pah lengmang hna, Pathian sin zongah thla an cam. Horatio a fanu ngeih mi vialte an 4 ning in Atlantic Rilipi chungah an tla i an thi. A nupi te lawng a him, a fanu Pali hna cu a thi mi 226 lakah an i tel ve. Horation nupi Anna Spafford cu Rili chungin chanh manh a si, an Tilawng a pil hnu ni 9 ah amah chanhtu pawl he Cardiff, Wales rilikam an phan i, cu hmun cun Anna nih cun an pa cu Thirhri a hei tuk, i chiatnak an ton mi kong kha a hei thanh, "Saved alone, what shall i do" (Keimah-lawng an ka chanh, zeidah ka tuah ne la") tiah Harashio cu a hei chimh. Hi Lawng accident nak hi a hnu Kum 40 ah Titanic lawng a accident hlan ah khan cun Vawleicung lawng chiat ton lakah a fak bik a rak si.

A nupi le fanau hna kong a theih le cangka in a rian vialte a kaltak i A nupi ton awk ah a nupi umnak hmunah cun khulrang in a va kal. A nupi kha hnem dingin le an inn ah kirpi than ding le va hlam dingin rianrang in ai tim. Aa citmi tilawng nih, Atlantic Rilipi a tan cuahmah lio ah cun a fanu pali an thihnak hmun zawn avan pal cuahmah lio ah khin ai citmi Lawng riantuan hna nih cun "Hi ka zawn hi na fanu le an tlak nak hmun cu a si e" tiah an hei chimh. A thinlung cu a kekkuai cikcek i Tilawng par in cun a fanu sung hna a dolh tu Rili cu mitthep lo le khuadang hawi lo in a zoh ko, cuticun Cafung (Pen) ai lak i "Tidai bantuk in ka lam a daih tik le, Ngaih-chiatnak tilet thawh tikah, Zei kip si hna seh, ka cung a tlungmi kha, Ka thlarau caah an tha dih ko." timi kha a tial. "Is it well" timi hla te cu, Atlantic Rilipi cungah a rak phuah i a rak tial mi a si. 

Hi hlabia te hi Piter cakuat pakhatnak Bung 4 cang 19 ah "Cucaah Pathian duhning a si ruang i, temhnak a ingmi hna nih cun thil ttha an tuahmi thawng khan Pathian sinah i pe ko hna seh,  Pathian cu anmah a Sertu hna kha a si i a biakam kha a tlolh bal lo." tiah Pathian nih bia a kan cah. 

When peace, like a river, attendeth my way,

When sorrows like sea billows roll;

Whatever my lot, Thou hast taught me to say,

It is well, it is well with my soul.

Tidai bantuk in ka lam a daih tik le, 

Ngaih-chiatnak tilet thawh tikah, 

Zei kip si hna seh, ka cung a tlungmi kha,

 Ka thlarau caah an tha dih ko.

Refrain:

It is well with my soul,

It is well, it is well with my soul.

Ka thlarau (Ka thlarau) ca a tha, (ca a tha), 

Ka thlarau, ka thlarau ca a tha.

Though Satan should buffet, though trials should come,

Let this blest assurance control,

That Christ hath regarded my helpless estate,

And hath shed His own blood for my soul.

Rul-hreu tuah hnek-saknak ah phan hmanhning law,

 Ka zumhnak ka chungah hmun seh, 

Ka si-cannak kha, Jesuh a ka hmuh cang,

 Keimah ca a thi theng kha a thlet.

My sin—oh, the bliss of this glorious thought!—

My sin, not in part but the whole,

Is nailed to the cross, and I bear it no more,

Praise the Lord, praise the Lord, O my soul!

Maw nunnem dawtu tha kha ka ruah tikah,

 Ka sualnak phun kip vialte kha,

 Hrengkhenh kha a in, ca ka sualnak a tlengh,

 Ka thlarau, Jesuh kha thangthat tuah.

For me, be it Christ, be it Christ hence to live:

If Jordan above me shall roll,

No pang shall be mine, for in death as in life

Thou wilt whisper Thy peace to my soul.

Tu hnuah Jesuh thawng lawngin nun ka duh, 

Ka thih ahcun ka zei poi lo,

 Ka nun siseh, ka thih siseh ngaihchia lo, 

Ka thlarau kha biazik na nawh ko.

But, Lord, ’tis for Thee, for Thy coming we wait,

The sky, not the grave, is our goal;

Oh, trump of the angel! Oh, voice of the Lord!

Blessed hope, blessed rest of my soul!

And Lord, haste the day when the faith shall be sight,

The clouds be rolled back as a scroll;

The trump shall resound, and the Lord shall descend,

Even so, it is well with my soul.

Horatio le Anna nih cun Fanu pahnih le Fapa pakhat an ngei than, an fa fangkhat te Horatio Goertner Spafford nih cun February 11, 1880 ah kum 4 mi lawng si in Scarlet Fever in a thih tak than hna, Cu bantukin harnak le thihlohnak an ton mi vialte cu an Krihfabu Presbyterian chungtel hna nih, "Pathian dantatnak a si ko lai dah." an ti piak hna. Cucaah Spafford cu a lung a rawk tuk i, bu in a chuah hnu ah Messianic timi buu a dirh i, American thawngthanh ca pawl nih cu buu cu, "Teitu-hna" tiah min an rak phuah piak hna.

1881 ah Horatio te chungkhar cu an fanute Bertha le a chuakka Grace he Jerusalem khua ah an pem, cu lio ah cun Jerusalem cu Ottoman-Turkish Palestine ram a rak si i, Israel timi ram a rak um rih lo. Horatio le a chungkhar cu cu Jerusalem ah cun khua an sa i, "American Colony" ti in bu an dirh. Ahnuah cun Swedish Krihfa pawl nih an rak pem hnawh ve than hna. American Colony timi buu nih cun Ralpi pakhatnak lio ah an pawngkam ah a um i harsatnak a tong mi hna kha zumhnak le khrihfabuu thleidan ngei lo in lamkip in an rak bawmh khoh hna. 

Horatio Gates Spafford  cu October ni 20, kum 1828 ah khan Troy khua New York ah a chuak i,  a kum 60 tlinnak ni 4 lawng in a duh cang tiah October  ni 16 kum 1888 ah khan Jerusalem khua ah Malaria zawtnak in a thi i Mount Zion Thlanmual Jerusalem ah an phum. 

Salai C. Vanramdinmawi

(Tenglam)