IN THE SWEET BY AND BY

IN THE SWEET BY AND BY

Lai tlai unau pawl Jesuh kan caah a chuahcam cu nuam le lawmin chungtling he nan hmang cio hna lai tiah zumhnak ka ngei.

Tutan Jesuh Chuahcam cu kei ka hawittha bik Lava Irish nih a ka huamlo tak caah ka cei ko, leng ka chuah nak in chuah lo a tam deuh kan ti lai cu, Inn um i ca rel nak tu ah caan ka hmang kati, nikhat cu khuahar ngai in ka um lio ah khin ka Farnu Sangpui hla pawl ka ngai hna kati, Cu ah cun hla tha ngai pakhat, hla dangah tthial kho loin a ka ngawn ter tu kai ngaih sual, Mirang hla a si caah ho dah a satu timi khi ka hngal kho lo, nain ka hnathlam ah cun fiangtuk in a lut I, ka thinlungah a piang hringhran, ka hla ngaih bal mi a si nain Khuasik thla thli a thian lio a si caah maw a si hnga nidang ka ngaih tawn bantuk a si lo, lung a luhhnawh ning le ka khuaruah a chilhkhuh ning khi voidang khom a lo lo.

A hla min cu *In the sweet by and by* timi te khi a si, mah hla te hi 1868 ah S. Fillmore Bennett le Joseph P. Webster hna nih Thangthatnak hla an rak phuah mi a si, mah hla hi Dipa thla khuasik caan Jesuh chuahcam le Kum thar le kum hlun i tonnak caan ah hin ai rem tuk in ka hmuh, a hleikhun in chungkhar a tling tilo mi hna le chungtling in Christmas le kumthar a hmang kho tilo mi hna caah lunghlau tu hla tha ngai pakhat a si khin ka hei hmuh.

Hngakchiate ka si in kanu nih mual a rak kan liam tak ve, a ngaih zawng kan ngai chuachuah kum a sau chin kan ngaih a zual chin ve lengmang, nikhat hnu ni khat khin. Mang zongah ton tak tak khi a um kho bak lo, pakhat ah cun mangah hmu ding hmanh khin a muihmel kha fiangfai tein kan rak thei lo. Hmuhton kan duh tuk ko lio ah mu..

*In the sweet by and by*

There's a land that is fairer than day and by faith we can see it apart

For the father waits over the way to prepare us a dwelling place there

In the sweet by and by we shall meet on that beautiful shore

In the sweet by and by we shall meet on that beautiful shore

A hla mi khi hmunah khin ni a tlak ti lo nak ding ram nuam cu a um ko, tiah mah hla nih hin a chim , cu lawng a si lo, cu hmun cu khamhtu Jesuh nih kan caah a buatsaih mi zungzal ram a si lawng silo in amah hrim hrim nih kan phak ve te lai ding khi a kan hngah ve ko timi zong a fiang hirhiar. Cu tiva ral ram tikuang hna dawh tein zohnuam an si nak ramah cun lungduh tthen mi hna he cun khamhtu Jesuh he tein kan i ton than lai nak ding kha a chim pinah, ngaihchiat lungsifahnak vialte an tlau lai nak ding, tthennak hrim a um ti lo nak ding lam kha a chim fawn.

We shall sing on that beautiful shore for the melodious songs of the blessed

And our spirits shall sorrow no more not a sight for the blessing of rest

In the sweet by and by...

Cu tiva kam ah cun dong cat tilo in khamhtu Jesuh kha hnangam lungdai tein kan thangthat tti te hna Lai, hohmanh kan bau ti lai lo, chungkhar tlinhtein thangthat hla kan sa cang hna Lai.. Kan thlarau cu hrum in a ttap ti lai lo, hahdam thanuam tein kan i din cang Lai, hi vawlei ah hin cun ngaihchia hawi hngar in um ko hmanh ninglaw, ttah caan tuar caan hna, lungduh tthen in lungleng thlavai in um ko hmanh usih cu hmunah cun tthennak a um ti lai lo. Cu hmun nuam tivakam ah cun.

To a bountiful father above we shall offer our tribute of praise

For the glory as gift of his love and the blessing that howlered days

In the sweet by and by...

In the sweet by and by...

Cu hmun ah cun lungduh tthen mi hna he zaangfah nak in a kan khamhtu Jesuh khrih cu thangthat in hla kan sa tti cang hna Lai, Tuk fano Jesuh he hla kan sa tti cang hna lai , cu cu kan Pa inn a si caah phuhrun zong a um lai lo, rawltam tihal zong a um lai lo, ngaktah sifak zong an um ti lai lo, a sunglawi tuk mi ruun toi ah kan leng cang hna lai timi kha mah hla nih hin a kan chimh.

Salai C. Vanramdinmawi 

( Tenglam)

LADC Area

Laitlang.