“Better Off” - Sara Evan

“Better Off” - Sara Evan

Mangtha timi nih hin thil tha a chuahpi caan zong a um ve i, tthennak nih caan ttha a kan pek caan zong a um ve ko, tuarnak nih thawnnak a kan pek bantuk in fahnak nih biafim a kan chimh tawn, nain cu thennak le mangtha tim cu caantha le thil tha deuh mi a kan pe tu a si tawn mi timi hi mi tampi nih cun kan hngalthiam tawn lo i kan tih tawn. kan mawh ve lo, kan dawt cukmak lio mi le kan duh tuk lio mi hna nih a kan liam tak ding le mangtha a kan ti ding mi khi cu tihnung a si ve tawn. nain thih ttian a si lo, nun tian a si phawt ah cun mangtha timi nih hin thiltha a chuah pi tawn ttheu.

Mitampi nih cun nuthlawi si an tih ruang hna le kal tak mi si an tih ruang hna ah lungfak in an tuar tawn ko, a tuarchuak mi zong cu an um lai, a tuar chuak lo i a tlau thai mi zong an um ve lai.

A pasal hi a zu din lawng a si lo a nu dang helh le a thinchiat hi celh cawk a si ve lo, a tlanval lio ah cun hiti hin a rak um ve lo i, hi lai hi hngalchung khawh zong cu a rak si ve fawn lo, Minu pakhat nih a nun dihlak in a ruahchan ve mi le a bochan ve mi a Pasal nun dan cu a ruahlo tuk ning a si diam, An nungak tlanval lio an biatiam vialte kha Thinlung ah cun a hmun nain a tak in langhter timi a um tilo hnu le an tiam mi lo ning bantuk lawngin a cawlcangh tik khin cun Nu pakhat ca lawng ah cun celh khoh a si ve lo, Nain minung kan ti cu a ruahchannak fa te nih a nun pi ko rih, “Nikhat khat ah cun a nun a \hinh lai i, nuam in kan leng tthan te ko lai” timi ruahchanh nak fa te.

A nu dang helh le a zu haw vialte, Dawtnak mit in a zoh tu nih a ngaihthiam tawn ko, pakhat ah cun va tthen si a duh lo ca zongah a in khoh chung a in caan zong a um ve, Zu a din hi cu zoh sawh in zoh sawh a si ko nain Nupi vuak a hman mi hi a tuar tu hrangah cun a fak tuk mi a si, a taksa a tukvelhnak i a fak mi lawng silo in, zaanchiar nu dang helh in a vah ko mi hrim hun ruah ah hin thinlung a fak, ngaihchia taktak khi a si. “Ziah kan nungak tlanval lio ah hi bantuk thil vialte hi na ka tiam chih ttung lo” tiin hun chuahchal ding hmanh khin aa tuah ti lo.

Nifatin zudin le Nungak helh nak ah an Tangka hmuh mi vialte zong a liam dih i, mi an phak lo nak zawn tampi a um, cu hnu chinchap ah a Pasal nih chuhtak i Nu dang sin i luh tak a timh zaan ah cun hi hla nih hin cu a Pasal cu “kal ter ko, a kal kham hlah a ti, a hrang ah na mitthli dor khat hmanh thla hlah, a phu lo a ti”.

"Better Off" Sarah Evans feat. Vince Gill

I know your eyes are burnin'

But try and hold it in

Don't let him see you cryin'

Don't give that much to him

Don't tell him that you love him

Or that you're sorry one more time

Or get on your knees, beg and plead

Tryin' to change his mind

Na mitthli kuang hna cu an khat ti kan hmuh piak ko, nain liam ter hna hlah, dor khat hmanh kha thla hna hlah, ttap fawn hlah, a phu lo. Na ttah lio hrimhrim in hmu hlah seh, Na dawttuk ko, a palh nak vialte zong na ngaihthiam khoh dih i, zu a din le a nungak helh vialte zong na theihthiam dih ko i na dawt tthiamtthiam rih a si ko zongah chim hlah, “khup bil in, Keimah palh a si ka ngaithiam tiin a lung thlen tim in zaangfah zong hal fawn hlah”

If he's gonna go, let him go

If he wants to leave, let him leave

If he's gonna walk, he's gonna walk

He'll only leave you better off

A kal ding a si ah cun kal ter ko, a chuah duh a si ah cun chuah ter, a liam duh a si cun liam ter fawn, na \hatnak ding ca i an kal tak a si deuh lai. nangmah hrang ttha ding deuh a si ko.

So go on and get that suitcase

And help him pack it up

Girl, you ain't losing nothin'

You don't need his kind of love

Don't watch him as he's goin'

It'll break your heart again

And don't stand there waitin'

With the door wide open

Hoping he'll walk back in

A ruksai kha la law a thilri timh piak deuh, Minu zeihmanh na hlauhthlau ding a um lo, a dawtnak bantuk sawsawh hi na herh lo, an kal tak lio zong ah zoh hlah, Na lungfahtertu hna a si hawi sual lai, cun na innka ong in nikhat khat ah cun a hong kir tthan sual te hnga maw tiin ruahchannak chiahru te zong ngei duh fawn hlah.

You're gonna find someone who'll love you like he should have

And when you finally feel the difference you'll be so glad

You gave yourself the chance to move on

You'll wonder why it took you so long

And why you wasted so much time on him

Nikhat khat ah cun a mah nak i an dawtu le na hrang i a tuah ding mi vialte an tuahpiak tu ding na ton te ko lai, cu tik i an thil sining aa thlen tik le an i dan nak na theihhngalh tikah cun nai nuam tuk te lai, Hmai na nor thluahmah khoh nak kha caan ttha i pe tuah, hi tiang tiang na rak temtuar mi caan chung hi na rak rau tuk sual timi hi na theihthiam te lai, cun zeiruangah dah a sin ah hin na caan sung vialte na sawsawh in na liam ter timi na hngalhthiam tikah cun na kal ter mi hi nai chir te lai lo..

Yeah, if he's gonna go, let him go

If he wants to leave, let him leave

Oh, if he's gonna walk, he's gonna walk

He'll only leave you better off

Yeah, he'll only leave you better off

A kal ding a si ah cun kal ter ko, a chuah duh a si ah cun chuah ter, a liam duh a si cun liam ter fawn, na tthatnak ding ca i an kal tak a si deuh lai. nangmah hrang ttha ding deuh a si ko.

Mi tampi nih cun ngaihzawng kan ngeih ah siseh, Nupi Pasal kan ngeih ah siseh, zeitluk kan cung an tthat lo i, a kan hrawktu kan nun a nuamh lo tertu an si le kan temtuar hnu zongah kal tak le tthen kan ttih tawn, a ruang tampi a um lai, pakhat le pakhat kan ton mi cio zong ai khat lai lo, kan dirhmun cio zong ai phundang cio ko lai, nain mi pakhat nih kan nun a hrawh dih ding le kan si ding a kan si ter khoh lo tiang in um pi le tthen ngamh lo khi cu Pathian duh dan zong a si ve lai ka zuum lo.

Nuva cu pakhat le pakhat kan tlin lo nak ai theithiam ding le ai hrawm ding kan si lio ah Pakhat nun lawngah a lut ding khi cu kan si lo. cu cu ai kawp mi silo in ai benh mi tinak deuh a si hnga.

Salai C. Vanramdinmawi 

(Tenglam)