Good As I Was To You - Lorrie Morgan

Good As I Was To You - Lorrie Morgan

Zarhteni chun hnu deuh te khi a si i, Lawngtlai khuapi cu a lum in Ni a lin hrinhran Lawngtlai khua hi mi sin in a lum ti an chim hi ka theih bal ko cang nain keimah nih ka phak rih bal lo caah hitlukin a lum lai timi hi ka ruat phan lo, Vaupi thlalai hrawng a si cang i kei zong thlakhat deng cu Lawngtlai ka um ve cang, cu ni ah cun God Gift Restaurant ah kai din i Cold drink ka hlam, a zatceu hrawng lawng ka din cang tiah khin khua ka hawi i ka thutnak in Cabuai pathumnak Thlalangawng pawngah khin nungak muitha ngai mi pakhat khi ka hmuh a nih zong amah telawng a si ve, ka hei zoh than i ka hmuh bal cang mi a lo ngai, fiang deuh in ka hei zoh than i "A... Bizazai tial thiam tuk mi Lucy Hranglung kha a si ko rua" tiah ka lungchung tein khua ka ruat. Facebook le WhatsApp ah cun a mui ka hmuh in a Biazai tete ka rak like in ka rak comment bal ko cang nain hmaitonh in kan hmuh rih lo caah le ai kawm bal mi kan si lo caah ka hei chon ngam lo. 

Cu lio ah cun Tlangval pakhat le nungak dawh ngai pakhat hi Resataurant ah cun an hong lut ve, Lucy Hranglung cu ka hei zoh than tawn, Facebook i a hmanthlak nakin a tak ah pei ai dawh deuh hi hi tluk muidawh nih Lai holh tein Bizai tha tha a kan tialpiak tawn kho mi hi cu a nusal bak ko, a Biazai tial mi lawng hmanh silo in a mui zong heih a rak that tuk hi, val zeizat lungdah a fah ter cang hnga ti ka ruat. theihang din pah cun ka hei zoh than tawn "a rak ka hngal ziar ve hnga maw?" ti hna ka ruat pah tawn.

Cuti i ka hei zoh pah tawn lio ah cun a hong lut thar mi nungak tlangval lei piang ko in a zoh hna khi ka hei hmuh a hmuh hna hlan le a hmuh hna hnu a mui cu ai dan tuk caah ka khuaruah hna a har pah, Nungak tlangval hna cu ka hei zoh hna ai duh mi an si ti hngalh khoh khin an i nuam hringhran cun an i dawh veve caah an i phu ngai zong ka hei ti, nain Lucy Hranglung nih a hmuh hna hnu i a mui ai thlen mi belte ka hngalthiam lo.

Ka phone ka zoh i Phongpi.com i an catial mi tete ka rel hna, culio ah cun Lucy cu a tho i ka hei zoh ko, nungak tlangval hna thutnak pawngah cun a va kal i a va dir hnawh hna, Tlangvalpa mit ah cun piang ko in a zoh i , cu tlangvalpa cu con ngai khin a um bia chim ai tim nain a lei nih a dang a khar mi bantuk in a ka lawng a an khoh, Lucy nih cun tlangvalpa sinah cun hi tin bia a chim.

She Drove up to the restaurant

Where they used to dine, 

He was sittin' at the table

With someone new this time

She walked up right beside him

Her face did not turn red, 

She looked at him so calmly, and this is what she said:

Na cung ka thatnak le zumhtlakin ka umnak vialte hna kha hitin maw na ka lehrul ko lai, hihi maw lunglawmhbia na ka chimh ve dan le na langhter ning cu a si lai,  nang he kan hman ti mi kha kumchung vialte hna kha hitlukin maw philh a fawi ko, hi thil umzia hi teitu na si tinak maw teitu ah cun maw nai ruah, tu ah cun nai nuam tuk cang nai lawm tuk cang maw? amah hi maw na chunmang tlinnak  le na lung an tlinter tu cu, a mui cu ai dawh in a tha tuk ko, hmanhselaw hihi cu hngal ve law ka duh, na cung i ka that le na cung i ka lungput tluk cun na sinah a tha in na cung i ka lungput bantuk cu a pu kho lai loh, cun na hrang i ka that tlukin na hrangah hin a that zong ka zuum loh" tiah a ti chih. a biachim pah cun a tih na lo in a aw cu a ther, a thinhar tuk maw si hnga a lungchung ah a faktuk mi thil cu thuh a timh dek si hnga ka hngal lo.

Good as I was to you, is this the thanks I get?

Are all the years we shared, so easy to forget?

Does this mean that you've won? 

Are you finally having fun?

Is she your dream come true?

Oh, she sure looks good, but she wont ever be

Good as i was to you.

Restaurant cu dai dimdiam tein a um i inncungah ai ming mi Fan le lenglei Motor  rinthawng dah tilo thawngpang dang theih ding a um lo, hohmah holh lo le daitein an lei ah kan mit kan len i kan zoh dih ko hna lio ah cun Waiter pakhat a hong i "Thutnak ka van lakchap la maw, na thu ve lai maw?" tiah a von hal hna, Lucy Hranglung nih cun Waiter zong cu zoh lo in Tlangvalpa mitah zoh rih ko bu cun "A hau lai lo, ka chuak colh lai" tiin a leh i lenglei panh cun hnawhhnam ngai in kar a hlang a chuah pah cun tangka a chiah i, Waiter nih umta rih kirh ding kan ngei hih" a ti nain a let lo. Kawthram in Lucy cu a hong i mer than i, "Nungak duhnung, vai lak thai na ta va si lan seh, ka duh ti lo hnu a si khah a mui hrim hrim hmuh zong ka huam ti loh" a van ti ta tang, cuticun a chuahtak diam hna.

The room got awful quiet, Everybody stared

Finally the waiter said, "should I bring another chair?"

She said "no I was just leavin'"

But as she walked out the door 

She said "honey, you can have him, I don't want him anymore."

Ka theihang din mi cu kai put i, ka ei man cu hnawhhnam ngai in ka pek, lengah cun ka chuak i Lucy cu sau a rak kal rih lo ka hei dawi i "Hey Lucy... " ka hei ti, nain a von i mer lo, "A caan a si rih loh" ti lawng in a ka leh, a  tap ti ka hngalh a aw in. ka hei choh kanh i "Lucy keimah kasi, Adin ... Salai Adin" ka hei ti.. a mitthli cu thiangput a hnawh i nain a ik ko rih, "Sorry tuk mu, kai sum kho ngang loh" tiah a ka leh. Kan hngalthiam pi ko, kei zong nih ka rak ton ve bal cang mi a si caah kan hngalhthiam hmanhselaw na hngal maw, hi vulei ah cun ka duh bik mi nih an kan kal tak le kan ngeih khoh lo ton mi zong hi Pathian nih a nak tha pek a kan duh ruang hna hi a rak si tawn cuh" tiah ka thiam tawk te cun ka hei hnemh. 

Ka theihang ken mi cu na duh maw kati i, zeihmanh chimlo in a ka chuh i ekput a din cu a thaw fakpi in a chuah, "Na chim mi cu a dik ko la, Pathian lo cu hngahchan tlak tak tak hi a rak um lo, nain ziahhen Pathian zong nih hin mah pa thengte hi a ka duh piak lo i a ka lak kanh hnga?" tiah lungdong ngai khin a chim, chim ding ka hngal ve ti lo i, "Kan thlah la na duh maw?" tiah ka heiti. ticun an inn lei ah cun ka hei thlah kan tli i LCMC Sii-inn kan phak khin kan dir, "Coffee thaw tuk mi ka ngei ding ta ca, hmaiton in kan i hmuh bal lo i kan voikhat i tonnak zong a si caah biaruah ding tampi kan ngei" ati. Ruah cungmang kai tim lo, a bia adong hlan deuh ah khin "Aw tha ko " kati. 

Coffee cu a lum i kan ding, ticun kan thu kan holh veve lo, Thlanglangawng in lenglei khi a cuanh i ruahlopi in biahram a hun domh hmasa "Kha Restaurant kha voi tamtuk kan pahnih in kan i dinh tawnnak le duhbia kan phaiti tawnnak a si, Dawtnak bia chimnak ah hin minung holh nih a tlinh mi cu kan hman dih, nuam in kan thutnak le lawm in kan nihti tawnnak hmun a si, Kan i date hmasak bik nak le "Kan duh" ti a ka chimnak hmun zong a si. nihin ah midang he lawm ngai in an thut ti ka hmuh ah khan ka thinlung nih a celh lo, keh dih ai tim, namte in vih bantukin a fak, na hngal maw, Ngaihzawng hi ka rak ngei bal cang ko nain amah tlukin ka thinlung ka pek mi le a zawn ka ruah mi hi an um lo, a bia zong tling te in ka zumh dih a hrangah in kai pumpe tuk, a lungtlinnak si i ka tuah khoh mi a si ah cun tlinter kai zuam peng, keimah nih ka tuah khoh lo hmanh ah midang bomh ka hal hna, amah zong nih a ka dawt in a ka duh ve tuk in ka hngalh i ka rak zumh tuk, nain thlakhat telawng a liam rih mi ah khan bia kan i el i kan i chon lo, ai duh mi karah cun pakhat le pakhat lungtlin lo caan le chikhat i chonh lo caan i cu umphung a si ko, kan i duh thai loh ti zong a si lo, a hnu ah kan i daw in kan ngam than ko, nain Thlakhat lawng a liam rih tiah midang a helh khoh mi hi a mak tuk kati i, ka cohlang thiam lo" tiin zanguai ngai khin a chim.

Chikhat cu ai din i Coffee cu a ding pah cun a bia a peh than, Kah nungak kha ai dawh in a muithat ruangah a thim zong a si lai, a muidawhnak lawng a zo a si ah cun a palh la, keimah nih ka dawt tluk le a cung i ka that tluk hin cun hohmanh nih an dawt khoh le an that khoh i ka zuum lo, ka thinlung dihlak ka pek i ka ruahvialte ah a khah dih bantukin cun hohmanh nih a ruat in an kahter kho lai lo, Kan caan hman cia vialte kan nunhlun hna a biakam le a biatiam vialte hna thlakhat hmanh liam hlan i a philh colh khoh ko mi hi cu ka khuaruah a har ko, hitin maw a dih cang, kan pahnih tuanbia cu a dih cang tiin a ka chimh dan le a duh bik mi a lungtlinnak a kawl dan cu a si hnga kati, kan nunhlun le kan i nuamh caan hna kha voikhat tal hi a ruat in a hngal than ti lo maw si hnga zeidek, nain ka chim ngam ka dawt tluk in le a cung ka that tluk hin cun hohmah a cungah dawtnak ngei in an tha kho ti ka zuum lo cun kha nu kha a hrang i ka that tlukin a hrangah hin a that zong ka zuum loh" tiah a chim chap. 

Good as I was to you, is this the thanks I get?

Are all the years we shared, So easy to forget?

Is the way its done, lookin' out for number one?

Did you think it through? 

Oh, she sure looks good, but she wont never be GOOD as I was to you.

Chim ding ka hngal lo, chim lo ding zong ka hngal lo, Coffee cu ka din i ka mirh, "Biazai in na tial than lai maw?" kati, a ni.. mi lungfah ve lio ah capo biachim hmang hlah" a kati cun kan pahnih in kan ni len, ticun bia a phun phun kan i ruah i kan cim lo, kan bia a dong lo nain zanriah chumh a cut cang caah lawi kai tim. Innleng tiang a ka thlah, ka kal lai ah cun "Kan biaruah a tui tuk i, zeitik Lawngtlai na phanh i, zeiti dingin timi zong hal ka philh" a ti, "aw... kei zong chim ka rak hngal lo, LMG ah riantuan ding in ka hong, Pin i inn hring nganpi ah khin LMG Office cu a um, thlakhat fai deng cu ka um ve cang" tiah ka hei leh. 

Cuticun ai tong than ding in kan i then, kan i tong than lengmang fawn, A nih cu Cong Mawi kei cu Hrang Chuan si in  Dawtnak lam hrawng i harnak pah ti ding silo in, Lai Literature lam hrawng i harnak pah ti ding in, a nih cu Biazai kei cu Lenhloi kan si. Cun a scooty thar zong kan i tawm, hehe.

Hi hla dawh ngai le lungkhuai kho ngai mi hi Lorrie Morgan nih a sak mi a si i,  Billy Livsey  le  Don Schlitz nih an phuah mi a si. Nungak pakhat nih a tlangvalpa a duh tuk rih ko mi le a thinlung a pek rih ko mi cu an rak i dinh tawnnak Restaurant ah lengdang he nuam ngai in an um lio a hmuh i a celh lo nak kong kha hla in an phuah mi a si, kei zong nih India ram Laimi lak i Bizai tial thiam a Biazai an uar ngai mi Lucy Hranglung upat pek nak ah hi Cabia lenhloi tawite hi, hi hla hmangin ka hun tial ve, a tak silo in hi hla he ka hon tialchih mi a si. a tanglei a a Hlabia tling tein ka hon thil chih

Salai C. Vanramdinmawi 

(Tenglam)

"Good As I Was To You"

She Drove up to the restaurant

Where they used to dine, 

He was sittin' at the table

With someone new this time

She walked up right beside him

Her face did not turn red, 

She looked at him so calmly, and this is what she said:

Good as I was to you, is this the thanks I get?

Are all the years we shared, so easy to forget?

Does this mean that you've won? 

Are you finally having fun?

Is she your dream come true?

Oh, she sure looks good, but she wont ever be

Good as i was to you.

The room got awful quiet, Everybody stared

Finally the waiter said, "should I bring another chair?"

She said "no I was just leavin'"

But as she walked out the door 

She said "honey, you can have him, I don't want him anymore."

Good as I was to you, is this the thanks I get?

Are all the years we shared, So easy to forget?

Is the way its done, lookin' out for number one?

Did you think it through? 

Oh, she sure looks good, but she wont never be GOOD as I was to you.

Does this mean that you've won?

Are you finally havin' fun?

Is she your dream come true?

Oh she sure looks good, but she wont ever be good as I was to you.

Good as I was to you.