Which Way To Pray - T. Graham Brown

Which Way To Pray - T. Graham Brown

Kum 10  lawng a si rih mi nu ngakchianute cu a ihkhuncungah khup bilin thla a cam "Bawipa tuzan ah hin ka it cang lai i, kan chungkhar hi chungkhar nuam a si khoh nak hnga thluachuah bawngmal hong kan sawm law, Kapa zong nih hin keimah um te in ka um ter hram ko law sehlaw " tiah lungtak tein thla a cam.

Kum 3 hrawng a si ah a nu nih a thihtak hna i an Pafa lawng in khua an sa, a nu a thih hnu in a pa cu a lung a rawk tuk i an nu a ngaih nak ah zudin sa ei lawng a rian i, a nu nih a thih tak mi a fanu zohkhenh le kilkawi a herh tuk mi le thlavai kiangin a um lio ah hnemh a herh tuk mi zong hnem kho lo in a um tawn, cu lawng hmanh si lo in  kum a hung liam i zu le sa he ai ciah ko mi cu nupi dang zong a hmuh lo caah ruahnak tha lo nih a thinlungah hmun ngan ngai a khuar.

Hi nu ngakchianute thlacamnak kan zoh than ah cun an inchung cu hnangamnak i a hmanh khohnak hnga le har caan le nuamh caan zongah dornak i a hman khoh nak hnga a hal i, cu pin lengah cun a pa nih a zutmuai ning a luan tuk tawn mi zong a pa nih a thinh nak hnga Pathian sinah a hal chih, a pa nih zeidah tuahpi a timh timi zong a hngalthiam rih lo nain a umtu ning le a zut muai ning cu a dik lo timi bel a hngalh. zaan a ih lai ah a hnamh ning le a muai ning cu Pa nih fanu a tongthamh ning pinlei a si in a hngalh nain zeidah a sullam timi cu a fiang lo. 

Cu caah zeitin dah Pathian sinah thla ka cam lai timi zong ai fiang lo, a pa umtu ning le a tuahtham ning cu a hngalhthiam rih lo caah Pathian sinah zeitin thla hun cam i Pathian hun chimh dan ding tak tak hmanh a hngal lo, Pathian sinah cun zeipaoh cu tha tein kal ter dingin le Pa le fanu bantukin an um than khoh nak hnga ding caah maw a hal la, a pa cu thihter dingin le cu inn cu a chuahtak khohnak dingah dah a hal deuh la. Kum 10 lawng a si rih pinah ah a pa umtu ning cu Pathian sinah chimhfiah dan le cu a harsatnak ton mi cu remh piak dingin zeitin a hal lai timi biakhiahnak a tuah kho lo, Thlacam zia ai harh hringhran ko.

A little girl down on her knees

Saying "I lay me down to sleep

Lord bless us with a happy home

And please make Daddy leave me alone."

Cause the way he kisses her goodnight

She knows that something's just not right

Does she ask for things to be okay?

Or ask for wings to fly away?

It's hard for her to know which way to pray

Cu a ngakchiat lio kum chia le harnak vialte cu a tuarchuah cang nain fahnak le mithhli nih an kal tak rih hlei lo, cu inn ka kal tak i inndang ka chuah tik cun ka nuam a nuam deuh lai i, kapa sin in ka zalen lai i nunnuam in ka um kho lai i ka thaw a chuak deuh lai tiah ai ruahchan mi vialte cu zeihmanh lo ah an cang than. 

A ruang cu a nakruh dingah Pathian nih a ruat mi a Pasal cu midang mithmuh le hngalhdan ah cun pa tha le chonh nuam ngai a sinain midang nih an hmuh i an hngalhpi ve lo nak an innchungkhur ah cun sahrang bantukin a hrang i, an pa nih a vuak le a velh caan hi a tlawm lo, a vuaknak hma le hmape hna cu a makup hmangin thup tawn ko hmanhseh a chungril ah fahnak le tuarnak hna cu an thup kho lo. Kapa sin in a ka khamhtu Pathian nih a ka pe ve cang ko hih tiin ruahchannak nganpi an pa cung i a ngeih lio ah an i helh lio i an biakamnak vialte hna le an i helh lio i a dawtnak annka biathlum vialte cu minmei bang an tlau i, ruahchannak hmanh ah a beisei ngam tilo i pakpalawng ah an cang dih. 

Cutikah Thla a cam fatin te thlacam ai harh than peng, zei biafang dah a hman lai i zeitin dah an pa kong cu Pathian a chimh lai i, an pa sinin harnak a ton mi vialte ah bawm dingin zeitin a hal lai timi biakhiahnak tuah ai harh than peng. An pa nih a vuak le velh nak vialte le bia chiakha pipi in a volhpamh tawn nak vialte hna cu tuarchuak kho ding in lung thawnnak le tuarchelnak maw a hal lai i, An pa cu a chuahtak khohnak ding caah le an pa cu a sinin la i tlauter dingah a hal hnga, Thla a cam fatin te thlacam zia a thiam tawn lo. "Bawipa zeibia dah ka chim than lai" ti dah lo.

She's made it through those troubled years

But she's not through with pain and tears

Cause it seems the man she chose

Has a side that no one knows

Her makeup hides the tell-tale scars

But not the wounds inside her heart

Does she ask the Lord for strength to stay?

Or ask for help to get away?

Sometimes it's hard to know which way to pray

Cu tikah zeitin Pathian sin i zualko ning a thiam tawn lo mi cu, cu harsatnak le tuarinn nak nih a tlunh lio caan ah cun umpi peng ding in tuarinn khoh nak thazaang a hal theu tawn, Hringnun i lam kan tlau caan ah le thlavaikiang le thlalau, beidong le ngaihchia in kan um caan hna ah siseh ruahchannak vialte an tlau tik zongah hnangamnak hong kan pe law, ti dah lo Pathian sin thlacam zia a thiam lo a ruang cu a caan ah cun Thlacam ding hi a har tuk tawn i Thlacam dan ding hngalh a har tawn. 

Lord perhaps our only prayer

Should simply ask that you be there

To give us comfort when we've lost our way

Cause sometimes it's hard to know which way to pray

Nikhat cu ruahlopi in Pastor pakhat nih Phone in a van chonh i, a pa cu zawtnak fak ngai nih a tlunh i a nunnak zong a liam dengmang cang timi kong a van thanh i, "Na pa cu a thi deng cang i a hnukcah lawng kan hngak cang, na pa nih na cungah zei thatlonak hmanh rak tuah bal ko cang hmansehlaw na huatnak cu ngan in sang ko hmanhseh voikhat tal cu a thaw a um lio ah hin hong tong ta law na cung i a sual nak vialte ah khan na ngaihthiam dih ko timi te tal hi von langhter ta" tiah Pastor nih cun a von nawl. 

Cu bia a theih le cang ka cun kum 10 a si rih mi nu ngakchianute caan ah a ruahnak a kir than i, ngaihchia le lungkuai tuk in a tap thluahmah, a mitthli hna zong hnawh cawk an si lo, a hnikhnik i a man dih ding mi bantukin a tuar hringhran a mitthli cu dan a timh hna nain an mah lung in an chuak i thlarau ngeilo bantuk in a ruahnak cu an tlau i a lung a kuai  hringhran, a thla cu a vai i a ruahnak nih khuazakip a cul nain ruahchan ding zeihmanh a hmu lo, cu lio caan chia chung zongah cun a tuarnak cu damter le din ter deuh dingin Pathian sinah a hal la maw, a pa cu vancung mi hna van fial i lak ter ko dingin a hal lai dah, a caan ah hin cun thlacam zia ai harh tuk tawn e.. mi fanau nu.

The preacher called and said, "Come home

I'm afraid your Daddy's almost gone"

Hate in your heart is no way to live

Comes a time when you've got to forgive

Suddenly she was ten years old

She fought the tears and searched her soul

Should she ask the Lord to ease his pain?

Or ask for angels to take him away?

Sometimes it's hard to know which way to pray

Minung kan hringnun ah hin a nak le a rang thleidan thiam a har ko, lungsivanghnak in a khat i, zeitik hmanh ah teinak a hmu lo ding khi a lo tawn, cu caah lungkuai ngaihchia in a um tawn, a ton mi thilchia cu khoi in dah an rat i ziah kal nak ding an hngal loh maw an cam hnawh peng, Thla a cam zongah a nak le a rang a thleidang kho tawn lo, a thin a phang a ning a zak i, a thlacam sia arem tawn lo. 

A caan ah cun thlacam zia a har i, zeiti Pathian sin von hal awk kan thiam tawn lo, lei nih dang a khar i, zeiti hoih in dah thla kan cam lai ruahthiam a har tawn. 

Cause life is never black and white

There's so many shades of gray

Oh sometimes we just don't know which way to pray

Yeah sometimes we just don't know which way to pray

Hi hla hi T. Graham Brown ,  Bill Anderson  le Gary Nicholson hna nih an rak phuah mi a si i, T. Graham Brown nih a sak mi hla tha ngai a si, Forever Change timi Alubum ah a khumh chih mi a si i kum 2014 ah a rak chuah mi a si, hi hla ah hin nungakchia pakhat a pa nih a sualpi i cu hnu ah Pasal tha lo a tong than hawi mi nu pakhat vanchiat tuanbia le cu vanchiatnak caan chung i a um lio ah cun thla a cam tik i thlacam thiam har a tinak kong Hla in an phuah nak a si.

Salai C. Vanramdinmawi

(Tenglam)