Tlamtlin lo hi a poi lo

Tlamtlin lo hi a poi lo

Mi tampi nih Kan trih bik tuk mi a si nain a ho hmanh cu a tling ( famkim) cikcek mi cu Kan hei um lo. Khawi maw zawn cio ah thil pakhat khat ah cun tlin lo nak hi Kan rak ngei cio hna.

Minung Kan rak tlamtlinh lo zia hi pupa hna nih Khan an rak hngalh tuk i an holh le rel tiangah an rak I Veng, cun minung Kan tlamtlin lo zia hi dik tuk le fiang tukin an rak chim khoh.

Pupa Phungthluk bia ah " Ti thiam cu ti ah a thi, thing thiam cu thingah " an rak ti beh. Hi nih hin minung Kan tlamtlin lo zia cu a rak khenh khawh ngai. Cu ve bantukin in Professional footballer Kan ti mi hna zong nih khin yellow card le red card an hmuh caan a tlawm lo, cu lawng hlah penalty an nganh caan le an mah goal lei ah an Thun caan hmanh pei a um cu.

Lamkaltu Simon Peter hmanh nih Khan Jesuh kha vawithum a hoi tak.

Minung nih hin "Tlamtling lo/ Famkim loh" hi Kan trih ding a si lo. Pawi Kan ti ding zong a si fawn lo.. cu Kan theihthiam tikah cun Vawlei hi Kan ngamh Lai I, a tei zong khi Kan tei te Lai.

A bikin Kan nih Laimi nih hin " Tlin lo mi si hi ttih hna hlah usih" Kan tlin lo nak hi a Kan tlin ter tu si deuh cang seh.

Voikhat cu Vawleicung minthang ngai mi cancinbu pakhat nih Billionaire pakhat hi interview an tuah a kawmtu nu cu aa dawh ngai i a pumrua nih a tha a vunhawng zong a nalh a hun mirh lebang hin hoih cim lo, a umtu thutdir hrim hrim zong zoh a nuam.

Billionaire pa zong cu mino te mi chuakthiam ngai a si, cu interview an tuahnak ah cun hitihin bia an I hal .

Nungak : hi dirhmun na phak khawhnak hi zei ruang ah dah asi tiah na ruah...?

Billionaire pa : Biakhiahnak dik ( Right decision ) ruangah.

Nungak : Zeitin dah Biakhiahnak dik ( Right Decision ) na ngeih khawh ..?

Billionaire pa : Ka hmuhton ( Experience ) cang mi hna in a si ko..

Nungak : Zeitin dah cubantuk Biakhiahnak dik neih ning cun hmuhtonmi na ngeih khawh zia... ?

Billionaire pa : Ka Biakhiahnak rak diklo ( wrong decision ) tuk mi ruangah a si bik ko..

Hi Billionaire pa le thawngla tu pakhat an I kawmhnak kan zoh than tikah khin cawntlak le cinken awk nunbawmtu tha ngai kan hmuh khawh.

A biahalnak a lehnak pakhat nak ah khin Billionaire a sikhawhnak a ruang cu Biakhiahnak dik ( Right decision ) a ngeih ruangah a si, a pahnihnak cu cu Biakhiahnak dik ngei ding cun hmuhton ( experience ) tamtuk a rak ngei cang, a pathumnak ah cu ( hmuhton ) experience a rak ngeih nak a ruang bik cu Biakhiahnak diklo ( wrong decision a rak tuah bal cang caah a si..

Hi Billionaire pa hi zohchuntlak ngai ngai a si, a tleirawl lio ah a nungaknu nih a tthen cu hnu cun a lungfah celh loin vawlei sualnak phunkip a tuah a rian in an ban a dawng le nih inn tangin an hnawhchuah ruunrep ngei loin cozah nih an tuahmi inn ngeilo ( homeless ) pawl riahbuk hna ah a riak cu riahbuk I ihnak a can lo chel lebangah cun park asi lo ah khawlak hna ah a riak tawn.

Cubantukin kum saupi a vahvaih hnu ah a lung a hong piang a ngaknu ruangah cun a tuar ko a nun tiangin a khawlo phah nain cubantukin um peng sehlaw a nungaknu nih cun a duh phah na zum maw , khawlakah a vakvai mi ritkhawhthil he ai ciah ko mi cu maw Lasi bantukin ai dawhmi ngaknu nih cun a duh ko hnga.. Naisai hlah a duhlo a zual la.

Cu a vaihvaihnak cun hmun sangpi ka phan bal lailo ti a von I fiang i a tuan khawh tawk rian a kawl a thilri hruk zoh ah hlawtu tamtuk a ngei ko nain Cauk dawr pakhat ah rian a hmuh ve cu hnu cun teimanthlu tein rian a tuan I cathiam sa a rak si hawi kaw a dawr hngah pah cun Cauk tamtuk a rel a tuan tangin thlaruk ah Manager rian a kai a tuannak dawr I manager a rak tuan mi lakah hlawh sang bik zong a si.

Cu hnu kum 10 ah cun America ram I Publication ngan bik pakhat thawktu le ngei tu a hong si a Cauk trial mi hi Copy Million lengmang a zuar khawh I holhdang zawngin lehlin piak tamtuk a tawng , hlawhnei I biachim dingin ramkipah an sawm..

Kha billionaire pa kha a nun rak rawk in , a nungak nu nih rak hnawl loin, a dawngle nih rak hlaw loin rak vakvai hlah sehlaw Billionaire dinhmun phan kho ding hin chel nak , tumruhnak huamnak , le hngalhthiamnak taimaknak le huaisennak hna kha a nei kho hnga maw.

Hi vawlei ah harnak sunghzatlaknak kan ton mi hna leh lungfah beidon kan ton cio mi hna hi dirhmun tha zawk , sinak tha deuh le thil tha zawk a kan pe tu an rak si ziar tawn.

Khawvel hna ah hin cun kan sian lo bikbik mi nih hin an kan kaltak le, kan ngaihhlut ber ber hi kan sung tawn.

Na lung an tifak tu cu zeipaoh sisehlaw na philh kho la loh ti ka hngalh ko..
Nain na harsatnak le fahnak kha pawm thlipthlep law, cu thil na pawm khawh hnu cun cubantuk ah cun na rilru pe tuk ti hlah.. Thil sikho a si ve ko, chan khaw kasi ve, kaltak khawh kasi ve, pheu khawh kasi ve, hlawhcham kho kasi ve, tlawm kho kasi ve, trap kho zong kasi ve , ka damchhungah cun hibantuk hi ka tawn ve ding a siko, vawitampi tong nolh ding zong kasi ti na cohlan i na hngalhthiam ah cun na caan kha ngaihchiatnak, lung fahnak le thadernak suunnak hrangah hman na siang la loh..

Midang an in hmuh dan nak cun.. Nangmah nai hmuh dan nih khan na hmailei hun a hril deuh.. Minih zeitin thla an in chim timi nakin nangmah nih zeitin thla chim nai timh timi hi a si deuh.. Confidence timi hi mi nih tha an kanti hnga maw tilo tiin mi nih tha an kati kola dah a tiin vai zumh ngang khi silo in.. " Mi nih tha an kan ti lo zongah i mah le mah i zumh nak mah tha I tinak khi " confident dik cu a si..

Salai C Vanramdinmawi
( Tenglam)