Fir kan si nain hmuh than kan si lai
Fir kan si nain hmuh than kan si lai
Fir a si ruangah a minthang mi Mona Lisa
Vawleicung Painting lakah zei painting dah a lar bik i mi nih an theihhngalh bik mi tiah hong kan hal hna sehlaw Leonardo Da Vinci nih a rak thai mi Mona Lisa hi kan ti cio hna lai zumh a um, Sianghngakchia nih cawn dingin Textbook cheukhat hna zongah chiah an si i, mi tampi nih a kong hi an tial in kan rak theih bal cang mi zong a si, Mi tam deuh nih kan hngalh ningah cun Mona Lisa nih mithmul a ngeih lo ti hi a si cio ko hna nain hi Painting hi Vawleipi theih in a minthan nak hi Mifir pakhat ruangah a si ti bel kan thei tuk lem lo.
Painting Rokual tuk le khuaruahhar a si i mi tampi nih theihfian duhin an cawn i tu tiangin an kherhlai rih mi cu a si hrim ko, nain Fir a si hlan ah cun Vawleicungah Mona Lisa zuksuai(Painting) nakin a minthang mi le a man to mi hi an rak tampi i, Mona Lisa Zuksuai hi cutlukin sunhsak le minthang cu a rak si lo.
Mona Lisa tiah mi tampi nih kan theihhngalh mi hi La Gioconda ti zongin auh a si i, La Gioconda cu Francesco del Giocondo nupi a si i, Italian Zuksuai Leonardo Da Vinci nih a thai mi a si i, a thai ni le caan hi a dik tein chim khoh a si lo nain kum 1503 in 1515 hrawng a thai mi a si, Italy Ram Florence khua ah thai hramthawk a rak si. Historian cheukhat nih cun Leonardo Da Vinci nih hin Mona Lisa zuksuai mi hi a mithmul a thai chih lo nak a ruang hi zeidang si lo in a thai thlu rih lo caah a si an ti, Da Vinci nih hin a damchung i Zuksuai mi vialte kha pakhat hmanh lim mi a ngei lo anti fawn, Kum tam tuk chung a tial i Historian cheukhat nih cun a thih lai hrawng France Siangpahrang nih an ram ah tlawng dingin a sawm lio zongah khan Mona Lisa Zuksuai hi a lim rih lo caah France ram ah an tlawnpi tiah an chim rih.
Historian le Painting lei cawnnak le thiamnak a ngei mi hna le Leonardo painting i expert cheukhat hna i an chim ning hawi ah cun Hi Mona Lisa Painting hi Gioconda lem si lo in Leonardo nih kum 25 leng a thithruai mi Gian Giacomo Caprotti da Oreno (Salai tiah a minthang deuh) muisam zohchun in a tial deuh mi a si anti ve, Salai cu kum 10 a si in Leonardo sinah hin a um i, Leonardo nih hin Painting a cawnpiak pinah a herh mi paoh tuah piaktu ah a hman, Hi Mona Lisa a thai hram ai thawk lio zongah ah hin Florence khua an inn ah an um ti i, France ram an tlawn lio hin Monalisa painting a lim rih lo i, lim lo in France ram i a kal pi zongah khan Salai hi a hnuzultu le bawmtu ah France ramah khan a rak i kal pi ve. cu pinah an chim rih ningah cun Leonardo nih nu lem siseh pa lem siseh a tial paoh ah Salai muisam kengin a tial tiah an ti chap. (Model ah a hman tinak)
Mona Lisa Painting cu Leonardo a thih hnu ah French Siangpahrang sinah Salai nih a zuar tiah ruah a si i an kutah a um i, zeitin dah French Siangpahrang kutah a um ti hi fiang te in chim khoh a si lo, an cawk maw a si lo ah a pek hna timi hi fiang te in a chim kho an um lo, nain a thih lai hrawng hi France ram i a um caah French Siangpahrang kutah a phan i Palace of Fontainebleau ah chiah a si i, Louis XIV Siangpahrang nih Palace of Versailles a thial than i French ram dothlennak lio ah khan Louvre ah thial than a si i, tu tiang in Louvre Museum ah chiah a si.
August ni 21 kum 1911 ah cun Vawleicungah Zuksuai minthang bik le a man tah khoh lo mi zuar le cawk khoh a si lo ding mi Mona Lisa Painting cu fir a si, France ram ah a pem mi Italian pa Vincenzo Puruggia cu Louvre Thil hlun chiahnak inn ah caan karlak a tuan mi a si i, Mona Lisa Zuksuai i benh ding thlalang frame an tuah ter, a rian a lim hnu ah cun a incchung hmun pakhat ah ai thup i zankhua in cu innchungah cun ai dup ko, zingkhua a hung dei i cu inn pi an awn than tikah cun Mona Lisa Zuksuai cu a zual i a kawr tangah a thuh hnu in a chuak diam.
Kan chim cang bantukin cu lio ah cun Mona Lisa Painting cu a minthang bik le manto pawl zong a si lo caah cu Thilhlun chiahnak riantuantu hohmanh nih a tlau ti zong an hngal rih lo, riantuantu cheukhat hna nih cun khawika hmundang ah an fim ko hih thil dang tar ding a um i an chiah that ko hih tiah ni tlawmpal cu an ruah rih. A thaizingah cun Zuksuai thiam Louis Béroud cu Monalisa zuksuai zoh dingin a hong i cu lawngah cun a tlau timi an hun hngalh.
Mona Lisa Painting cu kha lio chan ah Painting minthang ngai a si lo caah an zohkhenh ning le an kilven ning zong a tha lo ngai vampangah an hei benh ve sawsawh lawng khi a si, nain Khrihfa phunglam in va a ngei mi nakin va dawi mi nih khuapi an cul in chim tam deuh an si bantukin Mona Lisa Painting an fir e timi bia nih khuapi a cul dih. Thawngpang cazual paoh paoh nih Mona Lisa Painting hmanthlak cu an cazual hmai ah an tar i Copy tamtuk te an chuah, Fir a si hlan i Mona Lisa Painting a hmu bal lo mi le a zoh bal lo mi a um ti hmanh a hngal lo mi hna zong kha Louvre Museum ah cun an Mona Lisa Zuksuai an tar tawnnak a lawng mi zoh ding lawng hmanh in mi tam tuk cu nitin an kal thluahmah.
Police nih cun a firtu an tlai kho lo, ho a si zong an hngal kho lo French Biazai tial thiam Guillaume Apollinaire le Zuksuai thiam Pablo Picasso hna cu a firtu i an zumh deuh mi hna cu an si i Police nih cun an hei ngiatthlai tawn hna, nain a firtu Vincenzo Puruggia bel cu lo diam in Italy ram a rak phan cang, kum 1913 ah ho dah a firtu timi an hngal kho thai lo.
Nikhat cu Florence khua Zuksuai lei ah a huam ngai mi Uffizi Gallery in Florence i an Director Alfredo Geri nih cun ruahlopi in a lau ngai nak ding cakuat pakhat a hmuh, cu cakuat chungah cun Mona Lisa Zuksuai an ngeih nak ca an tial, Uffizi Gallery ah cun zarh hnih chung cu an pho ve manh nain Nohawng ni 4 kum 1914 ah Louvre ah khirh than a si.
Vincenzo Puruggia cu Italian Phuntanh (Patriot) a si i, a ruahnak ah cun Mona Lisa Painting cu Italy ramah Italian nih a thai mi a si caah Italy ta a si i Italy ram ah a um hrim hrim ding a si , Napolean nih Italy ram in a fir mi a si caah kan am ah a um than ding a si timi ruahnak a ngei, Vincenzo Puruggia cu Kumkhat le ni 15 Thawng thlak dingin dan tat a si i, Mifir nak in Pasaltha i an ruah deuh caah an rikhiah piak mi tiang thawngtla lo in Thlaruk chung thawngiin ah chiah a si. Italy mipi nih cun Ram le miphun dawtu le Pasaltha ah an ruah i a rak uar ngai ngai ve i conglomhnak tampi zong an pek diam.
Mona Lisa Painting hi Kum 1911 i fir a si hlan ah hin mi theihhngalh a rak si tuk lem lo, Italy cozah (Goverment) Intelligent hna zong nih a fir a si hlan ah hin hi Painting hi minthan ter le lar ter tim in kum tam cu an rak i tim ve ko nain an duh ning tlukin hi Painting hi a min a thang kho lo. Nain Vincenzo Puruggia nih a fir hnu lawng lawng ah hin Vawlei pumpi theih in a min a hong thang ve.
Tu ah cun Mona Lisa Painting cu an kilven ning a tha tuk hringhran cang i, fir khoh a si tilo ding mi ah ruah a si, cu pinah Vawleicung Painting lakah minthang bik a si i, hla ah phuah tam bik, Bizai in hlawi tam bik, cabia in tial tam bik zong a si cang, Vawleicung zuksuai man fak bik lak ah ai tel i a insuarance man hi kum 1962 ah khan 100 Million a si i, cu hnu ah cun a man hi tah a si ti lo, (kum 1962 ah thilri man 100 Million pound cu kum 2018 ah 650 million Pound asi).
Mona Lisa cu fir a si nain hmuh than a si cang, Fir a si hlan ah cun a minthang in hngalh mi zong a si lo, nain fir a si i hmuhthan a si tikah cun a hlan nak in a thawng deuh i a hung sunglawi deuh. Fir a sinain hmuh than a si cang.
Hi Mona Lisa Painting nih hin Minung kan nunah hin cawnpiak mi pakhat a ngei rua dah tiah ka ruah, Mitampi cu Hringnun ah hin lam kan tlau tawn, Chikhat cu zeituah awk thei lo in kan um, Lam kan tlau i, kan tinh bik mi le kan si timh mi hmanh hngal lo in kan um theu, timh bik mi hmanh ngei lo le hmuitinh fek ngei lo in kan um theu, cheukhat cu kan beidong i Sual muihnak chungah kan lut Pathian le thil tha tuahnak sin in kan tlau i, sau lak te cu hmuh kan si lo. Chungkhar pumhah kan i tel kho tilo, Dawng le sinah rawlei ti din lo caan a tam tawn, inn hlam lo in um caan zong a um tawn. Pathian le kan chungkhar hna sin in kan tlau i Sualnak le satan nih mifir bangin an kan fir i Vincenzo Puruggia nih Monalisa cu Italy ram mi a si tiin a fir bantukin Satan nih a nih hi cu ka mi le sa a si tiin Pathian sin in a kan fir ve.
Cheukhat cu kan fanu le kan fapa, kan unau hna nih an kan tlau tak, kan sinah chungtling in rawlei le ti din zong a um lo, zantim tiang an lawi caan hngak in zankhua kan dei, a caan ah khualak ah va char an hau tawn, kawl len zongah hmuh lo in lungrethei in um caan a tlawm lo, chungkhar pumh ah an i tel lo, fir an si ve.
Fir mi thil si lio caan hi cu a har ko, a tlau mi nun hi cu a har ko, hnangamnak a um lo, zu le sa in i hnemh kan i tim nain chikhat ca lawng lawng an si, a hmun mi an um lo. mi tampi cu an tlau thai i, hmuh than an si ti lo, mi tampi cu fir thai an si i ritkhawhthil sal si dingin zuar an si. Zu le Drugs nih an rak cawk hna.
Nain kan tlau thai lai lo, a ngeitu dik Pathian kut kan phan than lai timi ruahchannak ngeih hi a biapi hringhran, keimah lawngin hi mifirpa Sual hi tei kho lo hmanh ning a ka ngeitu Pathian bawmhnak in hmuh than ka si lai timi ruahchannak hi kan ngeih a herh hringhran. Hmuh than kan si tikah cun kan tlau hlan nak khan kan man a sang deuh lai i, Hringnun sunglawi zia le Pathian dawtnak thawnzia le san zia hi kan theihfian deuh lai.
Kan tlau hlan ah cun zohkhenh lo si hmanh ning kan tlau i hmuh than kan si ah cun a hlei in kilven le zohkhenh kan si lai i, Fir khawh tilo in Pathian dawtnak in kilven kan si lai. cu caah chikhat te cu kan rak sual ve cang kho, ritkhawh thil ah kan rak tlu ve cang kho, kan um lio a si zongah firmi kan si ti i hngal usihlaw, kan um ti lo a si zongah hmuh kan si cang ti i hngal hna usihlaw, a kan firtu sinah silo in a kan ngeitu sinah kan um cang ti hngal in. kan sunglawi cang zia le kan mansung zia hngal peng in Fir khawh ding Painting bantuk sawsawh in um lo in, Hmuh a si hnu ah Mona Lisa Painting cu Kilven thilri phunkip in kilven a si bangin kan nih zong Huamnak, zuamnak, i sumkhohnak, zumhtlak sinak, Tuarchelnak, teimanthluk nak, toidornak le ngaihthiamnak hna in kan i thuam a herh i kan thlarau nunnak cu Vawleicung tangka in cawk khoh mi si lo in kan lawmman cu Vanram ah a um cang timi kan hngalh peng ding a rak si.
A ruang cu Fir kan si nain hmuh than kan si
Vawleicung Painting lakah zei painting dah a lar bik i mi nih an theihhngalh bik mi tiah hong kan hal hna sehlaw Leonardo Da Vinci nih a rak thai mi Mona Lisa hi kan ti cio hna lai zumh a um, Sianghngakchia nih cawn dingin Textbook cheukhat hna zongah chiah an si i, mi tampi nih a kong hi an tial in kan rak theih bal cang mi zong a si, Mi tam deuh nih kan hngalh ningah cun Mona Lisa nih mithmul a ngeih lo ti hi a si cio ko hna nain hi Painting hi Vawleipi theih in a minthan nak hi Mifir pakhat ruangah a si ti bel kan thei tuk lem lo.
Painting Rokual tuk le khuaruahhar a si i mi tampi nih theihfian duhin an cawn i tu tiangin an kherhlai rih mi cu a si hrim ko, nain Fir a si hlan ah cun Vawleicungah Mona Lisa zuksuai(Painting) nakin a minthang mi le a man to mi hi an rak tampi i, Mona Lisa Zuksuai hi cutlukin sunhsak le minthang cu a rak si lo.
Mona Lisa tiah mi tampi nih kan theihhngalh mi hi La Gioconda ti zongin auh a si i, La Gioconda cu Francesco del Giocondo nupi a si i, Italian Zuksuai Leonardo Da Vinci nih a thai mi a si i, a thai ni le caan hi a dik tein chim khoh a si lo nain kum 1503 in 1515 hrawng a thai mi a si, Italy Ram Florence khua ah thai hramthawk a rak si. Historian cheukhat nih cun Leonardo Da Vinci nih hin Mona Lisa zuksuai mi hi a mithmul a thai chih lo nak a ruang hi zeidang si lo in a thai thlu rih lo caah a si an ti, Da Vinci nih hin a damchung i Zuksuai mi vialte kha pakhat hmanh lim mi a ngei lo anti fawn, Kum tam tuk chung a tial i Historian cheukhat nih cun a thih lai hrawng France Siangpahrang nih an ram ah tlawng dingin a sawm lio zongah khan Mona Lisa Zuksuai hi a lim rih lo caah France ram ah an tlawnpi tiah an chim rih.
Historian le Painting lei cawnnak le thiamnak a ngei mi hna le Leonardo painting i expert cheukhat hna i an chim ning hawi ah cun Hi Mona Lisa Painting hi Gioconda lem si lo in Leonardo nih kum 25 leng a thithruai mi Gian Giacomo Caprotti da Oreno (Salai tiah a minthang deuh) muisam zohchun in a tial deuh mi a si anti ve, Salai cu kum 10 a si in Leonardo sinah hin a um i, Leonardo nih hin Painting a cawnpiak pinah a herh mi paoh tuah piaktu ah a hman, Hi Mona Lisa a thai hram ai thawk lio zongah ah hin Florence khua an inn ah an um ti i, France ram an tlawn lio hin Monalisa painting a lim rih lo i, lim lo in France ram i a kal pi zongah khan Salai hi a hnuzultu le bawmtu ah France ramah khan a rak i kal pi ve. cu pinah an chim rih ningah cun Leonardo nih nu lem siseh pa lem siseh a tial paoh ah Salai muisam kengin a tial tiah an ti chap. (Model ah a hman tinak)
Mona Lisa Painting cu Leonardo a thih hnu ah French Siangpahrang sinah Salai nih a zuar tiah ruah a si i an kutah a um i, zeitin dah French Siangpahrang kutah a um ti hi fiang te in chim khoh a si lo, an cawk maw a si lo ah a pek hna timi hi fiang te in a chim kho an um lo, nain a thih lai hrawng hi France ram i a um caah French Siangpahrang kutah a phan i Palace of Fontainebleau ah chiah a si i, Louis XIV Siangpahrang nih Palace of Versailles a thial than i French ram dothlennak lio ah khan Louvre ah thial than a si i, tu tiang in Louvre Museum ah chiah a si.
August ni 21 kum 1911 ah cun Vawleicungah Zuksuai minthang bik le a man tah khoh lo mi zuar le cawk khoh a si lo ding mi Mona Lisa Painting cu fir a si, France ram ah a pem mi Italian pa Vincenzo Puruggia cu Louvre Thil hlun chiahnak inn ah caan karlak a tuan mi a si i, Mona Lisa Zuksuai i benh ding thlalang frame an tuah ter, a rian a lim hnu ah cun a incchung hmun pakhat ah ai thup i zankhua in cu innchungah cun ai dup ko, zingkhua a hung dei i cu inn pi an awn than tikah cun Mona Lisa Zuksuai cu a zual i a kawr tangah a thuh hnu in a chuak diam.
Kan chim cang bantukin cu lio ah cun Mona Lisa Painting cu a minthang bik le manto pawl zong a si lo caah cu Thilhlun chiahnak riantuantu hohmanh nih a tlau ti zong an hngal rih lo, riantuantu cheukhat hna nih cun khawika hmundang ah an fim ko hih thil dang tar ding a um i an chiah that ko hih tiah ni tlawmpal cu an ruah rih. A thaizingah cun Zuksuai thiam Louis Béroud cu Monalisa zuksuai zoh dingin a hong i cu lawngah cun a tlau timi an hun hngalh.
Mona Lisa Painting cu kha lio chan ah Painting minthang ngai a si lo caah an zohkhenh ning le an kilven ning zong a tha lo ngai vampangah an hei benh ve sawsawh lawng khi a si, nain Khrihfa phunglam in va a ngei mi nakin va dawi mi nih khuapi an cul in chim tam deuh an si bantukin Mona Lisa Painting an fir e timi bia nih khuapi a cul dih. Thawngpang cazual paoh paoh nih Mona Lisa Painting hmanthlak cu an cazual hmai ah an tar i Copy tamtuk te an chuah, Fir a si hlan i Mona Lisa Painting a hmu bal lo mi le a zoh bal lo mi a um ti hmanh a hngal lo mi hna zong kha Louvre Museum ah cun an Mona Lisa Zuksuai an tar tawnnak a lawng mi zoh ding lawng hmanh in mi tam tuk cu nitin an kal thluahmah.
Police nih cun a firtu an tlai kho lo, ho a si zong an hngal kho lo French Biazai tial thiam Guillaume Apollinaire le Zuksuai thiam Pablo Picasso hna cu a firtu i an zumh deuh mi hna cu an si i Police nih cun an hei ngiatthlai tawn hna, nain a firtu Vincenzo Puruggia bel cu lo diam in Italy ram a rak phan cang, kum 1913 ah ho dah a firtu timi an hngal kho thai lo.
Nikhat cu Florence khua Zuksuai lei ah a huam ngai mi Uffizi Gallery in Florence i an Director Alfredo Geri nih cun ruahlopi in a lau ngai nak ding cakuat pakhat a hmuh, cu cakuat chungah cun Mona Lisa Zuksuai an ngeih nak ca an tial, Uffizi Gallery ah cun zarh hnih chung cu an pho ve manh nain Nohawng ni 4 kum 1914 ah Louvre ah khirh than a si.
Vincenzo Puruggia cu Italian Phuntanh (Patriot) a si i, a ruahnak ah cun Mona Lisa Painting cu Italy ramah Italian nih a thai mi a si caah Italy ta a si i Italy ram ah a um hrim hrim ding a si , Napolean nih Italy ram in a fir mi a si caah kan am ah a um than ding a si timi ruahnak a ngei, Vincenzo Puruggia cu Kumkhat le ni 15 Thawng thlak dingin dan tat a si i, Mifir nak in Pasaltha i an ruah deuh caah an rikhiah piak mi tiang thawngtla lo in Thlaruk chung thawngiin ah chiah a si. Italy mipi nih cun Ram le miphun dawtu le Pasaltha ah an ruah i a rak uar ngai ngai ve i conglomhnak tampi zong an pek diam.
Mona Lisa Painting hi Kum 1911 i fir a si hlan ah hin mi theihhngalh a rak si tuk lem lo, Italy cozah (Goverment) Intelligent hna zong nih a fir a si hlan ah hin hi Painting hi minthan ter le lar ter tim in kum tam cu an rak i tim ve ko nain an duh ning tlukin hi Painting hi a min a thang kho lo. Nain Vincenzo Puruggia nih a fir hnu lawng lawng ah hin Vawlei pumpi theih in a min a hong thang ve.
Tu ah cun Mona Lisa Painting cu an kilven ning a tha tuk hringhran cang i, fir khoh a si tilo ding mi ah ruah a si, cu pinah Vawleicung Painting lakah minthang bik a si i, hla ah phuah tam bik, Bizai in hlawi tam bik, cabia in tial tam bik zong a si cang, Vawleicung zuksuai man fak bik lak ah ai tel i a insuarance man hi kum 1962 ah khan 100 Million a si i, cu hnu ah cun a man hi tah a si ti lo, (kum 1962 ah thilri man 100 Million pound cu kum 2018 ah 650 million Pound asi).
Mona Lisa cu fir a si nain hmuh than a si cang, Fir a si hlan ah cun a minthang in hngalh mi zong a si lo, nain fir a si i hmuhthan a si tikah cun a hlan nak in a thawng deuh i a hung sunglawi deuh. Fir a sinain hmuh than a si cang.
Hi Mona Lisa Painting nih hin Minung kan nunah hin cawnpiak mi pakhat a ngei rua dah tiah ka ruah, Mitampi cu Hringnun ah hin lam kan tlau tawn, Chikhat cu zeituah awk thei lo in kan um, Lam kan tlau i, kan tinh bik mi le kan si timh mi hmanh hngal lo in kan um theu, timh bik mi hmanh ngei lo le hmuitinh fek ngei lo in kan um theu, cheukhat cu kan beidong i Sual muihnak chungah kan lut Pathian le thil tha tuahnak sin in kan tlau i, sau lak te cu hmuh kan si lo. Chungkhar pumhah kan i tel kho tilo, Dawng le sinah rawlei ti din lo caan a tam tawn, inn hlam lo in um caan zong a um tawn. Pathian le kan chungkhar hna sin in kan tlau i Sualnak le satan nih mifir bangin an kan fir i Vincenzo Puruggia nih Monalisa cu Italy ram mi a si tiin a fir bantukin Satan nih a nih hi cu ka mi le sa a si tiin Pathian sin in a kan fir ve.
Cheukhat cu kan fanu le kan fapa, kan unau hna nih an kan tlau tak, kan sinah chungtling in rawlei le ti din zong a um lo, zantim tiang an lawi caan hngak in zankhua kan dei, a caan ah khualak ah va char an hau tawn, kawl len zongah hmuh lo in lungrethei in um caan a tlawm lo, chungkhar pumh ah an i tel lo, fir an si ve.
Fir mi thil si lio caan hi cu a har ko, a tlau mi nun hi cu a har ko, hnangamnak a um lo, zu le sa in i hnemh kan i tim nain chikhat ca lawng lawng an si, a hmun mi an um lo. mi tampi cu an tlau thai i, hmuh than an si ti lo, mi tampi cu fir thai an si i ritkhawhthil sal si dingin zuar an si. Zu le Drugs nih an rak cawk hna.
Nain kan tlau thai lai lo, a ngeitu dik Pathian kut kan phan than lai timi ruahchannak ngeih hi a biapi hringhran, keimah lawngin hi mifirpa Sual hi tei kho lo hmanh ning a ka ngeitu Pathian bawmhnak in hmuh than ka si lai timi ruahchannak hi kan ngeih a herh hringhran. Hmuh than kan si tikah cun kan tlau hlan nak khan kan man a sang deuh lai i, Hringnun sunglawi zia le Pathian dawtnak thawnzia le san zia hi kan theihfian deuh lai.
Kan tlau hlan ah cun zohkhenh lo si hmanh ning kan tlau i hmuh than kan si ah cun a hlei in kilven le zohkhenh kan si lai i, Fir khawh tilo in Pathian dawtnak in kilven kan si lai. cu caah chikhat te cu kan rak sual ve cang kho, ritkhawh thil ah kan rak tlu ve cang kho, kan um lio a si zongah firmi kan si ti i hngal usihlaw, kan um ti lo a si zongah hmuh kan si cang ti i hngal hna usihlaw, a kan firtu sinah silo in a kan ngeitu sinah kan um cang ti hngal in. kan sunglawi cang zia le kan mansung zia hngal peng in Fir khawh ding Painting bantuk sawsawh in um lo in, Hmuh a si hnu ah Mona Lisa Painting cu Kilven thilri phunkip in kilven a si bangin kan nih zong Huamnak, zuamnak, i sumkhohnak, zumhtlak sinak, Tuarchelnak, teimanthluk nak, toidornak le ngaihthiamnak hna in kan i thuam a herh i kan thlarau nunnak cu Vawleicung tangka in cawk khoh mi si lo in kan lawmman cu Vanram ah a um cang timi kan hngalh peng ding a rak si.
A ruang cu Fir kan si nain hmuh than kan si
Salai C. Vanramdinmawi
(Tenglam)
Comments
Post a Comment